ქართული პასპორტის მქონე ამერიკელი კალათბურთელი მაიკლ დიქსონი კარიერას მანუჩარ მარკოიშვილის ყოფილ კლუბ “რეჯიო ემილიაში” გააგრძელებს.

28 წლის დიქსონი სერია A-ს კლუბში ისრაელის წარმომადგენელ “ბნეი ჰერცლიადან” გადაბარგდა, სადაც ის საშუალოდ 12.0 ქულას, 2.2 მოხსნას, 4.3 პასსა და 1.7 ჩაჭრას აგროვებდა.
შეგახსენებთ, რომ დიქსონმა საქართველოს ეროვნული ნაკრების მაისურით ევროპის 2017 წლის ჩემპიონატზე ითამაშა, სადაც საშუალოდ 13.8 ქულა, 2.0 მოხსნა, 5.0 პასი და 1.4 ჩაჭრა ჰქონდა.
“რეჯიო ემილიას” იტალიის ჩემპიონატის 19 ტურის თავზე 5 მოგება აქვს და სატურნირო ცხრილში ბოლო ადგილზე იმყოფება.