კატალონიის "ბარსელონას" მთავარმა მწვრთნელმა ერნესტო ვალვერდემ "ბოლბაოსთან" გასამართ მატჩამდე განაცხადა, რომ ჯერჯერობით არაა გადაწყვეტილი მესი ითამაშებს თუ არა.

"გადაწყვეტილებას მოგვიანებით მივიღებთ. არ გვინდა გავრისკოთ და უფრო მეტად გადაწყვეტილება მესიზეა დამოკიდებული თუ რას იტყვის. არგენტინელი თავს კარგად გრძნობს, და თუ 100 პროცენტით მზად იქნება, ითამაშებს. წინააღმდეგ შემთხვევაში სხვა გამოსავალს მოვძებნით." - ციტირებს AS-ი ერნესტოს სიტყვებს.

მესიმ ოთხი დღის წინ მადრიდის "რეალთან" გამართულ ესპანეთის თასის ნახევარფინალური ეტაპის პირველ მატჩში ბოლო 27 წუთი ითამაშა. მიმდინარე სეზონში არგენტინელმა 28 მატჩში 29 გოლი გაიტანა და 17 საგოლე გადაცემა შეასრულა.