ფეხბურთი

10:10 | 10.02.2019 | ნანახია [] - ჯერ

მორიენტესი: "ვინისიუსს შეუძლია მსოფლიო დონის ფეხბურთელი გახდეს"

მადრიდის "რეალის" ყოფილმა ფეხბურთელმა ფერნანდო მორიენტესმა განაცხადა, რომ ვინისიუს ჟუნიორს მსოფლიო დონის ფეხბურთელობისთვის ყველა სათამაშო თვისება აქვს.

"თუ იგი ასე გააგრძელებს ასპარეზობას, მსოფლიო დონის ფეხბურთელი გახდება. იგი ჯერჯერობით ახალგაზრდაა და ბევრი პასუხისმგებლობით არ უნდა დაიტვირთოს. ვინისიუსი სავიოს მახსენებს, ორივე მარცხენა ფლანგზე თამაშობდა და ერთნაირი სათამაშო სტილი აქვთ. ასევე, ორივემ ევროპულ ფეხბურთს ალღო ადვილად აუღო." - ციტირებს მორიენტესის სიტყვებს Football Espana.

ვინისიუსი "რეალში" 2018 წლის ზაფხულში "ფლამენგოდან" გადავიდა. მიმდინარე სეზონში 18 წლის ფეხბურთელმა 21 მატჩი ჩაატარა, გაიტანა სამი გოლი და ათი საგოლე გადაცემა შეასრულა.

0.114745