ტრაგედია დატრიალდა „ფლამენგოს“ სპორტულ ცენტრში. როგორც ადგილობრივი მედია იტყობინება, ხანძრის შედეგად რიო დე ჟანეიროს დასავლეთით „ფლამენგოს“ ახალგაზრდა ფეხბურთელების საცხოვრებელი განადგურდა.

სპორტულ კომპლექსში ცეცხლი ადგილობრივი დროით 7:20 საათზე გაჩნდა. ინციდენტის შედეგად, "ფლამენგოს" აკადემიის წევრი 10 ფეხბურთელი დაიღუპა. გარდაცვლილები 14 და 15 წლის მოზარდები იყვნენ, ხოლო სამი მძიმედ დაშავდა.

ხანძრის გამომწვევი მიზეზი ჯერჯერობით დაზუსტებული არაა.