ფეხბურთი

10:23 | 7.02.2019 | ნანახია [] - ჯერ

უეფა და ევროპული კლუბები შეთანხმდნენ

უეფას პრეზიდენტმა, ალეკსანდერ ჩეფერინმა და ევროპული კლუბების ასოციაციის თავკაცმა, ანდრეა ანიელიმ, რომში, თანამშრომლობის განახლებულ მემორანდუმს მოაწერეს ხელი, რომელიც უეფას გადაწყვეტილებებში კლუბების უფრო აქტიურ ჩართულობას გულისხმობს.

მემორანდუმი 2024 წლამდე გაფორმდა, რაც იმას ნიშნავს, რომ მინიმუმ ხუთი წლით გადაიდო ევროპული სუპერლიგის შექმნა, რომელსაც ასე ეშურებიან კონტინენტის მდიდარი კლუბები.

„მიხარია, რომ ასეთ სასარგებლო ხელშეკრულებას მოვაწერეთ ხელი, - განაცხადა ჩეფერინმა, - ახლა კლუბებს უფრო ახლო ურთიერთობა ექნებათ უეფასთან და ეს სასიკეთოდ წაადგება ფეხბურთის განვითარებას. მინდა მადლობა გადავუხადო ბ-ნ ანიელის, საკითხისადმი კონსტრუქციული დამოკიდებულებისათვის.“

„იუვენტუსის“ პრეზიდენტმა, ანდრეა ანიელიმ, რომელიც ამავდროულად ევროპული კლუბების ასოციაციის პრეზიდენტიცაა, ამ დოკუმენტის ხელმოწერას ისტორიული მოვლენა უწოდა.

მხარეებმა ვალდებულებები აიღეს ფეარ პლეის პრინციპების კიდევ უფრო დახვეწაში და ეროვნული ჩემპიონატების კალენდრების დაბალანსებაში.

0.124488