თურქეთში შეკრებაზე მყოფი „კრილია სოვეტოვი“ სეზონის მეორე ნაწილისთვის მზადებას აგრძელებს. სამარელთა ამბები ჩვენთვის რა თქმა უნდა, ჯანო ანანიძის გამოა საინტერესო.
მიოდრაგ ბოჟოვიჩის გუნდმა ბელეკში მორიგი საკონტროლო შეხვედრა ბელგრადის „პარტიზანთან“ ჩაატარა და უგოლოდ დაუზავდა. ჯანო ძირითად შემადგენლობაში იყო და 75-ე წუთამდე ითამაშა.
„კრილია“ მომდევნო მატჩს 12 თებერვალს „სპარტაკს იურმალასთან“ გამართავს, ხოლო რუსეთის პრემიერლიგა 2 მარტს, მოსკოვის „ლოკომოტივთან“ მატჩით განახლდება.
