გიორგი მჭედლიშვილის „გორიცა“ სეზონის მეორე ნაწილისთვის მზადებას განაგრძობს და ამხანაგურ მატჩებს ატარებს. ხორვატებმა უნგრული „ბუდაფოკი“ 4:2 დაამარცხეს, რაშიც თავისი წვლილი ქართველმა განაპირა მცველმაც შეიტანა.

გიორგიმ მოედანზე 90 წუთი გაატარა და სამი საგოლე პასი მიითვალა. პირველი, მესამე და მეოთხე გოლები ჩვენებურის გადაცემებით გავიდა.

ხორვატიის ეროვნული ჩემპიონატის მეორე ნაწილი 3 თებერვალს განახლდება და მისთვის მზადების ფარგლებში "გორიცა" ერთ ამხანაგურ მატჩს კიდევ ჩაატარებს.

"გორიცა" ხორვატიის ჩემპიონატში 18 ტურის შემდეგ 27 ქულით მეხუთე ადგილზეა. მჭედლიშვილს კი, მიმდინარე სეზონში 12 მატჩი აქვს ჩატარებული.