ვეტერანი ინგლისელი ფეხბურთელი რიო ფერდინანდი ამბობს, რომ ახალგაზრდულ ასაკში ალკოჰოლს შეექცეოდა. მისი თქმით, შეეძლო ყოველდღე დაელია, როგორც ლუდი, ისე არაყი.
„ახალგაზრდობაში გიჟი ვიყავი. ხალხი ჩემი წარსულის შესახებ საუბრობს, მაგრამ მე არ ვიცი, რაზე საუბრობენ, რადგან ალკოჰოლის გამო ბევრი რამ არ მახსოვს. შემეძლო, რვა, ცხრა, ათი კათხა ლუდი დამელია და შემდეგ არაყზე გადავსულიყავი. ყოველდღე ვსვამდი. ალკოჰოლის გამო ჩემი კარიერის ნაწილი არ მახსოვს.
ჩემ დროს არსებული კულტურა და დღევანდელი ძალიან განსხვავებულია. როდესაც „ვესტ ჰემში“ ვიყავი, ვფიქრობდი ფეხბურთზე, სასმელზე, ღამის კლუბებზე. როცა მეკითხებიან, რას შევცვლიდი ჩემი კარიერიდან, ვპასუხობ, რომ არ უნდა დამელია. თუმცა, გამიმართლა, რადგან აღმომაჩნდა ბუნებრივი უნარი, რომ ჩემი ცხოვრების ეს პერიოდი გადამელახა“, - უთხრა ფერდინანდმა Telegraph-ს.
რიო ფერდინანდს „ვესტ ჰემში“, „ბორნმუთში“, „ლიდს იუნაიტედში“, „მანჩესტერსა“ და ქპრ-ში უთამაშია, ხოლო კარიერა 2015 წელს დაასრულა. ინგლისის ნაკრებში რიომ 1997-2011 წლებში 81 შეხვედრაში 3 გოლის გატანა შეძლო.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
აღმაშფოთებელია რაც რუსულენოვან რაგბის საიტზე rugger.info -ზე ხდება ამ დღეებში. თელ-ავივის გუნდთან ენისეი-სტმ წაგების შემდეგ რუსული ჭკუა დაკარგული ფანობა პირდაპირ ლანძღვაზე და ეთნიკური სახის შეურაცხობაზე გადავიდნენ. ჯერ იმას განიხილავდნენ, რომ საქართველო და ისრაელი აზიააო და რატომ თამაშობენ ევროპაშიო და პარალერულად ღირსების შემლახავი სიტყვებით "ამკობენ" ჩვენს ერს. მე, არ ვარ ამ საიტის გამომწერი, მაგრამ დრო და დრო შევდივარ ხოლმე და ვკითხულობ სტატიებს და გულშემატკივრების კომენტარებს. მახსოვს როგორი "პრინციპულობით" რეაგირებდა ხოლმე საიტის ადმინისტრაცია, როცა ქართველი საიტის გმომწერები რუსი გუშემატკივრის თავხედურ კომენტარებზე საპასუხოდ ოკუპაციის თემაზე და რუსულ შოვინიზმზე ჩამოაგდებდნენ ხოლმე საუბარს. მაშინვე ადმინის მიერ გაფრთხილება მოყვებოდა ხოლმე; რომ ეს რაგბის საიტია და არა სარაგბო თემებზე საუბრისგან და ერთმანეთის შეურაცხმყოფელი მიმართვებიდან თავი შეეკავებინათ, თორემ სიტს დაატოვებინებდნენ. შედეგად, rugger.info -ს შეფარული შოვინიზმის და ტენდეციურობის გამო ბევრმა ქართველმა დატოვა საიტი. ორი დღეა ვაკვირდები, მაგრამ საიტის ადმინისტრაცია ყურსაც არ იბერტყავს მათ საიტზე ჩვენი ქვეყნის შეურაცხმყოფელ განნცხადებებზე. მოვითხოვ, თუ ეროვნული ღირსება კიდევ შერჩენია შესაბამის სტრუქტურებს დაბლოკილი იქნეს ეს საიტი და ქართულმა მხარემ ყველანაირი თანამშრომლობა შეწყვიტოს ამ ფაშისტურ საიტთან. ამავე დროს მივმართავ rugger.info -ს ქართველ გამომწერებს დატოვონ ეს საიტი და ეს ფაშისტური პუბლიკა მარტო თავის თავთან. კმარა, გეყოფათ ამდენი შეურაცხობის მოთმენა ! ! !