ჰაცუ ბაშოს მე-10 საშეჯიბრო დღეს რანგით მეორე დივიზიონ ჯურიოში მოასპარეზე ქართველი სუმოიტი თეიმურაზ ჯუღელი კიოკუტაისეის დაუპირისპირდა და მე-6 გამარჯვება მოიპოვა. წლის პირველ სუპერტურნირზე გაგამარუმ იაპონელი მეტოქე ოშიდაშით დაამარცხა.

ქართველ გოლიათს, რომელიც მე-14 განთესვით ირჯება მე-9 მეაგაშირა კიოკუტასესთან ურთიერთშეხვედრებში უარყოფითი ბალანსი აქვს. მიუხედავად იმისა, რომ აღნიშნული ორთაბრძოლა ქართველის გამარჯვებით დასრულდა, იაპონელს ჩვენებურთან 5 მოგების საპირისპიროდ 3 მაცხი დაუგროვდა.

ამრიგად, გაგამარუს მიმდინარე ბაშოზე 6 მოგება და 4 მარცხი აქვს, რაც იმას ნიშნავს, რომ დადებითი ბალანსის მოსაპოვებდად, დარჩენილი ხუთი ორთაბრძოლებიდან მინიმუმ ორი უნდა მოიგოს. მომდევნო მეტოქე კი ენჰო იქნება, რომელსაც ერთხელ დაუპირისპირდა და წააგო.