ესპანეთის თასის 1/8-ფინალური სერიის განმეორებით მატჩში "ბარსელონამ" შინ "ლევანტე" 3:0 დაამარცხა.

"ბარსას" ლიდერმა ლეონელ მესიმ მესამე გოლი გაიტანა. ლეოს ესპანეთის თასზე "ბარსას" მაისურით" 49 გოლი დაუგროვდა. კატალონიურ კლუბში მოთამაშეთა შორის კოპა დელ რეიზე 49 გოლი აქვს ასევე გატანილი ლადისლავ კუბალას, რომელიც "ბარსელონაში" 1951-61 წლებში თამაშობდა. ისინი 2-3 ადგილს იყოფენ ხოლო პირველ პოზიციაზე 64 გოლით ხოსეპ სამიტიერია.

"ბარსელონამ" "ლევანტე" ორი მატჩის ჯამში 4:2 დაამარცხა.