ლონდონის „ჩელსიმ“ ედენ აზარი შეაფასა. Daily Telegraph-ის ცნობით, „არისტოკრატები“ ბელგიელს 112 მილიონი ევროს სანაცვლოდ შეელევიან. ეს საკმაოდ დიდი თანხაა იმის გათვალისწინებით, რომ აზარი ინგლისურ გუნდთან ახალ კონტრაქტს არ აფორმებს, ხოლო მოქმედი ხელშეკრულება ძალაში 2020 წლის ზაფხულამდეა.

ბელგიელი ფეხბურთელის შეძენის მთავარი კანდიდატი მადრიდის „რეალია“, რომელსაც ფეხბურთელის გადაბირება ჯერ კიდევ გასული წლიდან უნდა. ესპანეთში გადასვლის წინააღმდეგი კი არც თავად აზარია.

შეგახსენებთ, რომ ედენი „ჩელსის“ ღირსებას 2012 წლიდან იცავს, ხოლო პრემიერლიგის მიმდინარე სეზონში 21 მატჩში 10 გოლი გაიტანა და 10 საგოლე პასი მიითვალა.