ქართველი ჩოგბურთელი ნიკოლოზ ბასილაშვილი ავსტრალიის ღია პირველობაზე სასტარტო მატჩს 14 იანვარს ჩაატარებს.

“აუსტრალიან ოუფენის” ოფიციალურ ვებგვერდზე ტურნირის სასტარტო დღის განრიგი გამოქვეყნდა, რომლის თანახმადაც ბასილაშვილი მელბურნში რიგით მე-5 კორტზე, პირველივე წყებაში, თბილისის დროით 04:00 საათზე გავა.
შეგახსენებთ, რომ ნიკა 2019 წლის პირველ სლემტურნირზე მე-19 ნომრადაა განთესილი, მისი პირველი მეტოქე კი ამერიკელი კრისტოფერ ეუბანკსი იქნება, რომელმაც კვალიფიკაციაში ფრანგ მუტეს, კანადელ ოჟიე-ვასელინსა და ესპანელ მარტინესს აჯობა.