საქართველოს თასის მოქმედმა გამარჯვებულმა ქუთაისის „ტორპედომ“ დღეს ოფიციალურად დაადასტურა რიჩარდ ლუკას ტრანსფერი. 21 წლის ბრაზილიელი შემტევი, რომელიც მექსიკური „ტიგრეს უნალიდან“ ქუთაისში 1-წლიანი იჯარით ითამაშებს.

ვინ არის რიჩარდ ლუკა?

რიჩარდ ლუკა შემტევი ნახევარმცველია, რომელსაც თავისი ტექნიკური არსენალით და ხარისხით შეუძლია სწრაფად შეცვალოს ტემპი პრობლემების გარეშე, თუნდაც ძალიან მოკლე სივრცეში. მუდმივად ცდილობს მეტოქე მოატყუოს და ამას უმეტესად არ ერიდება. მისი სიმაღლე (1.62 სმ) მანევრირების კარგ საშუალებას აძლევს.

2013 წელს, ბრაზილიის 15-წლამდე ნაკრებში თამაშობდა და 14 მატჩში 2 გოლის გატანაც მოახერხა. საინტერესოა, რომ რამდენიმე დღე ესპანეთში, „ბარსელონას“ აკადემიაში იყო და ესპანური გრანდი აკვირდებოდა. სწორედ მაშინ შეხვდა თანამემამულე ნეიმარს, ძველ ნაცნობს, რომელიც იმავდროულად მისი კუმირია.

რაც შეეხება „ტიგრესს“, მექიკურ გუნდთან კონტრაქტი ოფიციალურად 2018 წლის 13 აპრილს გააფორმა, თუმცა ზაფხულში იჯარით მექსიკის რანგით მეორე ლიგის ბინადარ „კორეკამინოსში“ გაანათხოვრეს, სადაც 6 თვის განმავლობაში 10 მატჩში თავის გამოჩენა ვერ მოახერხა.

ვნახოთ, როგორ წარმოაჩენს 21 წლის ბრაზილიელი შემტევი საკუთარ შესაძლებლობებს საქართველოში და რამდენად გააძლიერებს "ტორპედოს".