ავტოსპორტი

3:13 | 8.01.2019 | ნანახია 410 - ჯერ

„ფერარის“ ხელმძღვანელად არივაბენეს ბინოტო შეცვლის

„ფერარიმ“ დაადასტურა იტალიურ პრესაში გავრცელებული ინფორმაცია, იმის შესახებ, რომ ფორმულა 1-ის გუნდს სათავეში მატია ბინოტო ჩაუდგება. ის გუნდის ახლანდელ ხელმძღვანელ მაურიციო არივაბენეს შეცვლის. ახალი სეზონის წინ, გუნდის ხელმძღვანელობაში სხვა ცვლილებებიც არის მოსალოდნელი.

ბინოტო აქამდე გუნდის ტექნიკური დირექტორის პოსტზე მუშაობდა და დაწინაურების შემდეგაც, როგორც „ფერარიმ“ გამოაცხადა, ყველა ტექნიკური ჯგუფი კვლავ მისი ხელმძღვანელობთ იმუშავებს.

როგორც „გაძეტა დელო სპორტი“ წერს, ბინოტოს ბოლო დროს ურთიერთობა დაეძაბა არივაბენესთან, რასაც „ფერარის“ საჩემპიონო შანსები შეეწირა. გუნდის შეფის ცვლილება მას შემდეგ არის მოსალოდნელი, რაც კომპანია „ფერარის“ პრეზიდენტის პოსტზე, გარდაცვლილი სერჯო მარკიონეს ნაცვლად, იტალიური წარმოშობის ამერიკელი ბიზნესმენი ჯონ ელკანი (ჯანი ანიელის შვილიშვილი) დაინიშნა.

ბინტო „ფერარის“ სტრუქტურაში, ბოლო ოცი წლის განმავლობაში, თანდათან დაწინაურდა. 2015 წელს ის „ფერარის“ გუნდის ძრავების განყოფილებას ჩაუდგა სათავეში. მისი ხელმძღვანლობით, მარანელოელებმა შეძლეს კონკურენტუნარიანი აგრეგატის შემუშავება და გასული სეზონის დასაწყისში, ამ მხრივ საუკეთესონიც კი იყვნენ, მაგრამ მაინც ვერ მოახერხეს „მერსედესის“ დამარცხება.

Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
სარეკლამო ადგილი - 23
250 x 500
სარეკლამო ადგილი - 20
250 x 188
სარეკლამო ადგილი - 22
250 x 250
0.070582