მადრიდის "რეალი" "რივერ პლეიტის" ნახევარმცველის ესეკიელ პალასიოსის დამატებასთან ახლოსაა. როგორც Marca იუწყება, კლუბების წარმომადგენლებმა აბუ დაბიში მოლაპარაკება გამართეს და გარიგება ზამთრის სატრანსფერო პერიოდში მოხდება.
ასევე ცნობილი ხდება, რომ ოფიციალური ტრანსფერის შემდეგ, პალასიოსი არგენტინულ კლუბში მიმდინარე სეზონის ბოლომდე ითამაშებს და "სამეფო კლუბს" ზაფხულში შეუერთდება. ჯერჯერობით სხვა დეტალები უცნობია.
პალასიოსი "რივერ პლეიტის" აკადემიის აღზრდილი ფეხბურთელია და პირველ გუნდში ჩატარებულ 41 მატჩში ოთხი გოლი აქვს გატანილი. არგენტინის ეროვნულ ნაკრების მაისურით კი ესეკიელმა ორ შეხვედრაში მიიღო მონაწილეობა.
