ქართველმა კალათბურთელმა ზაზა ფაჩულიამ მონაწილეობა ვერ მიიღო 2019 წლის პირველ მატჩში, რომელშიც მისი “დეტროიტ პისტონსი” ჩვენებურის ყოფილ კლუბ “მილუოკი ბაქსს” ესტუმრა და 98:121 განადგურდა.

ფაჩულიას მარჯვენა ფეხის ტრავმა აწუხებს და მართალია, მიჩიგანელთა გამაცხადში იყო, მოედანზე არ გასულა.
წინასწარი ინფორმაციით, ზაზას ტრავმა სერიოზული არაა და შესაძლოა, ის მომავალ მატჩშივე ვიხილოთ, რომელშიც “პისტონსი” “მემფის გრიზლისს” ესტუმრება. ეს თამაში 3 იანვრის დილას, თბილისის დროით 05:00 საათზეა დაგეგმილი.

რაც შეეხება “ბაქსთან” მატჩს, დეტროიტელთაგან საუკეთესო ბლეიკ გრიფინი იყო 29 ქულით, მიკუოკელებს კი ბრუკ ლოპესმა ულიდერა 25 ქულით.

დეტროიტელებს 16 მოგება და 19 მარცხი მოუგროვდათ და აღმოსავლეთ კონფერენციაში საპლეიფო მე-8 ადგილზე იმყოფებიან.