რუსეთის ქალაქ სანკტ-პეტერბურგში მიმდინარე მსოფლიო ჩემპიონატზე სწრაფ ჭადრაკში (რაპიდი) მე-2 დღის პარტიები მიილია.

კაცთა ტურნირის 9 ტურის თავზე 7-7 ქულით იან ნეპომნიაშჩი (რუსეთი, 2771), ჰაო ვანგი (ჩინეთი, 2782), იანგიი იუ (ჩინეთი, 2758) და ვლადისლავ არტემიევი (რუსეთი, 2812) ლიდერობენ.
საქართველოს ნაკრების წევრთაგან საუკეთესო შედეგი ივან ჩეპარინოვს (2697) აქვს. ის 6.0 ქულით 31-ეა. ბაადურ ჯობავა (2718) და ლევან ფანცულაია (2652) 5.5-5.5 ქულით, შესაბამისად, 53-ე და მე-60 ადგილებზე იმყოფებიან, მიხეილ მჭედლიშვილი (2637) 5.0 ქულით 85-ეა, თორნიკე სანიკიძე (2483) კი 4.0 ქულით – 128-ე.
ქალთა ჩემპიონატის 8 ტურის თავზე 7.0 ქულითჱერთპიროვნულად ლიდერობს ჩინელი ვენჯუნ ჟუ (2584), რომელიც უკრაინელ მარია მუზიჩუკს (2493) 0.5 ქულით უსწრებს.
ქართველ მოჭადრაკეთაგან საუკეთესო შედეგი – 5.5 ქულა ბელა ხოტენაშვილს (2428) აქვს, რომელსაც მე-16 საფეხური უკავია. მერი არაბიძე (2431) და ნინო ბაციაშვილი (2382) 5-5 ქულით, შესაბამისად, 27-ე და 34-ე პოზიციებზე იმყოფებიან.
საქართველოს ნაკრების ლიდერი ნანა ძაგნიძე (2515) 4.5 ქულით 38-ეა, ლელა ჯავახიშვილი (2388) 4.0 ქულით – 64-ე, ნინო ხომერიკი (2248) – 74-ე, ხოლო ქეთი წაწალაშვილი (2287) 2.5 ქულით – 104-ე.
მსოფლიო პირველობა რაპიდში 28 დეკემბერს დასრულდება. შეგახსენებთ, რომ კაცებში 15 ტური უნდა ჩატარდეს, ქალებში კი – 12.