დღეს, რუსეთის ქალაქ სანკტ-პეტერბურგში სტარტს აიღებს მსოფლიოს ჩემპიონატი სწრაფ ჭადრაკსა და ბლიცში, რომელშიც საქართველის სახელით არაერთი მონაწილე ჩაებმება.

ვაჟთა შორის ძალებს ბაადურ ჯობავა, ივან ჩეპარინოვი, ლევან ფანცულაია, მიხეილ მჭედლიშვილი და თორნიკე სანიკიძე სცდიან, ქალებში კი ნანა ძაგნიძე, მერი არაბიძე, ბელა ხოტენაშვილი, ლელა ჯავახიშვილი, ნინო ბაციაშვილი, ქეთი წაწალაშვილი და ნინო ხომერიკი ითამაშებენ.
რაპიდში შეჯიბრი 26-28 დეკემბერს გახლავთ დაგეგმილი და ის 12 ტურად წარიმართება (დროის კონტროლი 15’+10), ბლიცი კი 29-30 დეკემბერს 17 ტურად ჩატარდება (დროის კონტროლი 3’+2).
საინტერესოა, ტურნირის ფავორიტების გაცნობაც.
კაცები: მაგნუს კარლსენი (ნორვეგია), ჰიკარუ ნაკამურა (აშშ), ვლადისლავ არტემიევი (რუსეთი), ვლადიმირ ფედოსეევი (რუსეთი), ლევონ არონიანი (სომხეთი), შაჰრიარ მამედიაროვი (აზერბაიჯანი), ჰაო ვანგი (ჩინეთი), სერგეი კარიაკინი (რუსეთი), იან ნეპომნიაშჩი (რუსეთი), პენტალა ჰარიკრიშნა (ინდოეთი).
ქალები: ანა მუზიჩუკი (უკრაინა), ვენჯუნ ჟუ (ჩინეთი), ტინჯიე ლეი (ჩინეთი), ალექსანდრა კოსტენიუკი (რუსეთი), კატერინა ლაჰნო (რუსეთი), ნანა ძაგნიძე (საქართველო), ელიზაბეტ პაეტი (გერმანია), მარია მუზიჩუკი (უკრაინა), დრონავალი ჰარიკა (ინდოეთი), ჰანოი კონერუ (ინდოეთი).