ფეხბურთი

17:28 | 24.12.2018 | ნანახია 925 - ჯერ

კარლო ანჩელოტი: "მილანში" დაბრუნებასთან ახლოს ორჯერ ვიყავი"

იტალიური „ნაპოლის“ მთავარმა მწვრთნელმა კარლო ანჩელოტიმ განაცხადა, რომ „მილანში“ დაბრუნებასთან ახლოს ორჯერ იყო. ამის შესახებ გამოცდილმა სპეციალისტმა Corriere Della Sera-სთან ინტერვიუში თქვა.

- რატომ დაბრუნდით იტალიაში?

- მსოფლიოში ყველაზე ლამაზი ქვეყანაა. აქ ზოგი კარგად ცხოვრობს, ზოგი უარესად და გაბრაზებულია, მაგრამ ცოტა ხნის წინ ფარინეტის სიტყვები მოვისმინე: „ჩვენ გაგვიმართლა, რომ იტალიაში დავიბადეთ“. ამას ვეთანხმები.

- ხედავთ ჩვენი ფეხბურთის განვითარების ნიშანს?

- დიახ. სერია A-ში მაღალი ხარისხის თამაშებია, ეროვნულ ნაკრებს საინტერესო ახალგაზრდები ჰყავს, ხოლო ფედერაციას ახალი პრეზიდენტი ნათელი იდეებით. ეს უნდა იყოს სტიმული ახალი სტადიონების აგებისა და სტადიონებზე კულტურის გაუმჯობესებისთვის.

- ტაქტიკურ დონეზე, სადაა ახლა ფეხბურთი?

- ჩემი აზრით, პროგრესი რეგრესშია. მაგალითად: ახლა ყველა გუნდი, მათ შორის პატარა გუნდებიც ცდილობენ ფეხბურთის თამაშს, მაგრამ დაცვაში კონცენტრაცია ხშირად იკარგება. მეორე მაგალითი: გუნდები ცდილობენ უკნიდან თამაშს და მეკარეც ხშირად იწყებს შეტევებს. მაგრამ ეს რისკის შემცველია და ამიტომ, სულ მალე ძველი სტილი დაბრუნდება - გრძელი პასები.

- ბოლო წლებში იტალიურ ფეხბურთს აკლია მილანი (იგულისხმება ქალაქი, „მილანი“ და „ინტერი“)...

- ახლა „ინტერი“ უფრო სისტემური გუნდი გახდა, ნათელი პროექტი აქვს. „მილანში“ კი ელიოტს აქვს გეგმა, რომ ხუთ წელიწადში გუნდი მაღალ დონეზე დაბარუნოს და შემდეგ ახალი მფლობელი მოვა.

- „მილანში“ დაბრუნებასთან მართლაც ახლოს იყავით?

- ორჯერ. პირველად, როდესაც „რეალი“ დავტოვე, გალიანი მადრიდში მეწვია, მაგრამ პაუზა უნდა ამეღო, რადგან ჯანმრთელობის პრობლემა მქონდა. და მეორედ, „ბაიერნის“ შემდეგ, ფასონეს მხრიდან იყო კიდევ ერთი, თუმცა, მცირე მცდელობა.

Loading...

კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
23:14 | 24.12.2018
baxt (1253)

არა მგონია ახლო მომავალში გუნდები გრძელი პასებით თამაშზე გადავიდნენ, ყოველ შემთხვევაში ისეთები მაინც, ვისაც რაიმე სერიოზულის მოგების პრეტენზია ექნება. დღევანდელ ფეხბურთში შედეგი უფრო სწრაფ ტემპში მოკლე და ზუსტ გადაცემებს მოაქვს, კომბინაციურ ფეხბურთს, რომელიც ბურთის კონტროლს ემყარება და სწორ პრესინგს, ან სწრაფ კონტრშეტევებს მოკლე პასებით. ვინღა თამაშობს გრძელი გადაცემებით.

სტატისტიკა
0.241601