მადრიდის „რეალის“ კაპიტანმა სერხიო რამოსმა განაცხადა, რომ მოურინიოზე საუბრით დაიღალა. ესპანელმა მცველმა კომენტარი პორტუგალიელის „რეალში“ შესაძლო დაბრუნებაზე გააკეთა და მიანიშნა, რომ „სამეფო კლუბს“ ჟოზე არ სჭირდება.

„მოურინიოს გარეშე 5 წელი გავატარეთ. ამ პერიოდში მოვიგეთ ბევრი ტიტული და დღესაც შეგვიძლია კიდევ ერთი თასის მოგება. თქვენ კი, ისევ მოურინიოს შესახებ საუბრობთ. მე დავიღალე მასზე საუბრით“, - განაცხადა რამოსმა.

შეგახსენებთ, რომ „მანჩესტერიდან“ გათავისუფლების შემდეგ მოურინიო „რეალს“ დაუკავშირეს. გავრცელებული ცნობით, ფლორენტინო პერესს დიდი სურვილი აქვს, რომ „განსაკუთრებული“ ზაფხულში ისევ დააბრუნოს მადრიდელთა თავკაცის პოსტზე.