ფეხბურთი

1:47 | 22.12.2018 | ნანახია [] - ჯერ

"დორტმუნდმა" პირველი წრე გამარჯვებით დაასრულა

გერმანიის ბუნდესლიგის პირველი წრის ბოლო, მე-17 ტურმა სტარტი ცენტრალური მატჩით აიღო. „სიგნალ იდუნა პარკზე“ ლიდერი „დორტმუნდი“ მდევარ „გლადბახს“ დაუპირისპირდა.

წინა ტურში ლუსიენ ფავრის გუნდმა დაუმარცხებელი სერია მოულოდნელად დიუსელდორფში შეწყვიტა და ბუნებრივია, დანაკარგის ანაზღაურება სურდა. თავის მხრივ, „გლადბახისთვის“ იდეალური შანსი იყო დიდ შევენებაზე მხოლოდ და მხოლოდ 3-ქულიანი ჩამორჩენით გასულიყო. მოკლედ, დორტმუნდში დიდი ამბები იყო მოსალოდნელი.

საბოლოოდ, მიზანს მასპინძლებმა უწიეს. ჯეიდონ სანჩომ პირველი ტაიმის მიწურულს გახსნა ანგარიში და თავისი გუნდი დააწინაურა, თუმცა, კრისტოფ კრამერმა გათანაბრება ანტრაქტამდე მოასწრო. გამარჯვების გოლი კი 54-ე წუთზე მარკო როისმა შეაგდო.

შედეგად, „დორტმუნდმა“ სეზონის პირველი ნახევარი 42 ქულით დაასრულა და მინიმუმ ერთი დღით „ბაიერნს“ ცხრა ქულით გაასწრო. „რეკორდმაისტერი“ მე-17 ტურის მატჩს დღეს, სტუმრად „აინტრახტთან“ ჩაატარებს.

„დორტმუნდი“ – „გლადბახი“ 2:1 (1:1)

გოლები: 1:0 სანჩო (42), 1:1 კრამერი (45), 2:1 როისი (54)

თეგებიბუნდესლიგა
Loading...
0.127044