ლონდონის „ფულჰემის“ მთავარი მწვრთნელი კლაუდიო რანიერი მიიჩნევს, რომ ჟოზე მოურინიო და ანტონიო კონტე სამსახურის გარეშე არ უნდა იყვნენ. იტალიელი სპეციალისტის განცხადებით, მოურინიო და კონტე ფეხბურთის გულები არიან.
„ვფიქრობ, რომ მოურინიო ფეხბურთში რაც მალე უნდა დაბრუნდეს. იგივე შემიძლია ვთქვა ანტონიო კონტეზე. ეს მწვრთნელები ფეხბურთის გულს წარმოადგენენ. ყველა ქვეყანაში მოიგეს, სადაც აქამდე უმუშავიათ და ყველა მწვრთნელი მათგან რაღაცას სწავლობდა“, - აღნიშნა რანიერიმ.
შეგახსენებთ, რომ კონტე ზაფხულში დაითხოვეს „ჩელსიდან“, ხოლო მოურინიო რამდენიმე დღის წინ „მანჩესტერიდან“. ამჟამად ორივე სპეციალისტი სამწვრთნელოს საქმიანობისგან ისვენებს.
