ფეხბურთი

3:05 | 10.12.2018 | ნანახია [] - ჯერ

„საშინელი“ და იღბლიანი „რეალი“

მოგება ყოველთვის გასახარია, მაგრამ არა ლამაზი. „რეალის“ ფეხბურთელები დაგვეთანხმებიან. მართალია, მათ სამი ქულა მოიპოვეს, მაგრამ საშინლად ითამაშეს. გაუმართლათ კიდეც - გარეთ ბეილი ერთადერთი იყო 90 წუთის განმავლობაში, ვინც მასპინძელთა კარში დაარტყა და სტუმართა საბედნიეროდ, გაიტანა.

პრიმერას აუტსაიდერი გაცილებით უკეთესი იყო, ჩემპიონთა ლიგის მიჯრით სამჯერ მომგებთან შედარებით. დაბალ კლასს არაგონელები მონდომებით და ანთებული თვალებით აბათილებდნენ და ცოტა მეტი იღბალი რომ ჰქონოდათ, გაუშვებდნენ სტუმრებს შინ, პირში ჩალაგამოვლებულებს.

და ტიბო?

მადრიდელთა ბელგიელი მეკარე სასწაულებს სჩადიოდა. ცოტა უხერხულადაც კი ჩანდა მისი ასეთი გარჯა, თანაგუნდელების უნიათო თამაშის ფონზე.

ასეა თუ ისე, „რეალმა“ მოიგო, ცხრილში ისევ დაწინაურდა, უკვე ოთხეულშია და დანარჩენი უკვე „ტექნიკის“ საქმეა.

პრიმერას მე-15 ტური, ორშაბათს, „ატლეტიკ“ – „ჟირონას“ მატჩით დაიხურება.

ესპანეთი

პრიმერა. მე-15 ტური. 9 დეკემბერი

უესკა - რეალი 0:1

უესკა. „ელ ალკორასი.“ 7 341

0:1 ბეილი (8)

უესკა: იოვანოვიჩი, ფერეირო (გურლერი 76), ეხეიტა, პულიდო, ინსუა, მირამონი, რივერა, აგილერა (მელერო 19), გომესი, კუჩო, ავილა (ლონგო 84)

მწვრთნელი: ფრანსისკო

რეალი: კურტუა, რამოსი, კარვახალი, ვარანი, ოდრიოსოლა, მოდრიჩი (ისკო 66), ველასკესი, ლიორენტე, სებალიოსი (ვალვერდე 58), ბენზემა, ბეილი (ასენსიო 76)

მწვრთნელი: სანტიაგო სოლარი

მსაჯი: მალერო ლოპესი

გაფრთხილება: ეხეიტა (42), ინსუა (80); კარვახალი (26), სებალიოსი (39)

ეიბარი -ლევანტე 4:4

1:0 ენრიხი (8), 1:1 მორალესი (9), 1:2 რობერ პიერი (25), 2:2 ესკალანტე (57), 3:2, 4:2 შარლესი (61, პენ, 65), 4:3 ტონიო (75), 4:4 მაიორალი (90+1)

სოსიედადი - ვალიადოლიდი 1:2

0:1 ტონი ვილია (16), 0:2 ანტონიეტო (54), 1:2 ოიარსაბალი (63)

ბეტისი - რაიო ვალეკანო 2:0

1:0 ლე სელსო (59. პენ), 2:0 სიდნეი (76)

Loading...
სტატისტიკა
0.258157