ვლადიკავკაზში მიმდინარე საერთაშორისო ტურნირის ფინალური წყვილები ცნობილია. საქართველოს თავისუფალი სტილით ნაკრების წევრები ბექა ლომთაძე (61 კგ.), ავთო კენჭაძე (74 კგ.) და გენო პეტრიაშვილი (125 კგ.) ფინალში გავიდნენ და დღეს, ჩემპიონობისათვის იბრძოლებენ. ბრინჯაოს მედლებისათვის მებრძოლს ფალავნებს მოგვიანებით გაგაცნობთ.

ევროპისა და მსოფლიოს ვიცე-ჩემპიონმა ბექა ლომთაძემ (61 კგ.) საფინალო გზაზე სამი რუსი მეტოქე ჩამოიშორა: ნურგუნ ალექსანდროვს 4-0 და მაგომედრასულ იდრისოვს 6-4 მოუგო, ნახევარფინალში რევანში აუღო ალექსანდრ ბოგომოევს, ვისაც 4 ქულიანი გდების წყალობით, 7-7-ზე აჯობა. ფინალში ქუთაისელი ფალავალი რამაზან ფერზალიევს დაეჭიდება.

მსოფლიოს მოქმედმა ვიცე-ჩემპიონმა ავთო კენჭაძემ (74 კგ.) ფინალისკენ მიმავალ გზაზე რუსეთის ნაკრების 4 წარმომადგენელი დაამარცხა. აჰმედ შოკუმოვს 4-1, კახაბერ ხუბეჟთის 11-0 და მაგომედ დიბირგაჯიევის 4-2 სძლია, ნახევარფინალში კი კენჭაძემ მაგომედხაბიბ კადიმაგომედოვს 7-3 მოუგო. ქართველი ფინალში მისთვის კარგად ნაცნობ მეტოქეს რუს ტიმურ ბიჟოევს შეხვდება.

მსოფლიოს ორგზის ჩემპიონმა გენო პეტრიაშვილმა (125 კგ.) რუსი მეტოქეების ოსტაპ პასენოკს (5-0) და ვიტალი გოგლოევს (12-4) ძლევის შემდეგ ამერიკელი რობერტ ნელსონი აშკარა უპირატესობით 10-0 გაანადგურა და ფინალში მსოფლიოს მოქმედი ჩემპიონი ირანელ ტაგი სადესადეს შეერკინება.

ფინალური წყვილები
57 კგ. - ხურეშ-ოლ დონდუნ ოოლ (რუსეთი) - აბასგაჯი მაგომედოვი (რუსეთი)
61 კგ. - ბექა ლომთაძე (საქართველო) - რამაზან ფერზალიევი (რუსეთი)
65 კგ. - კურბან შირაევი (რუსეთი) - მუსლიმ საიდულაევი (რუსეთი)
70 კგ. - დავიდ ბაევი (რუსეთი) - მაგომედ კურბანალიევი (რუსეთი)
74 კგ. - ავთო კენჭაძე (საქართველო) - ტიმურ ბიჟოევი (რუსეთი)
79 კგ. - გაჯი ნაბიევი (რუსეთი) - აცამაზ სანაკოევი (რუსეთი)
86 კგ. - მაგომედშარიფ ბიაკაევი (რუსეთი) - ვლადისლავ ვალიევი (რუსეთი)
92 კგ. - მაგომედ კურბანოვი (რუსეთი) - ანზორ ურიშევი (რუსეთი)
97 კგ - ვლადისლავ ბაიცაევი (რუსეთი) - შამილ მუსაევი (რუსეთი)
125 კგ - ჯაბერ ტაგი სადესადე (ირანი) - გენო პეტრიაშვილი (საქართველო)

9 დეკემბერს 12:00 საათიდან დამამშვიდებელი წრის შეხვედრები გაიმართება, 15:00 საათიდან ბრინჯაოს მედლებისთვის ბრძოლებია, 17:30 საათზე კი გახსნის ცერემონია. ფინალური შეხვედრები 18:00 საათზე დაიწყება.

www.wrestling.ge