ფეხბურთი

14:52 | 8.12.2018 | ნანახია [] - ჯერ

დე იონგი პსჟ-ს უახლოვდება

ამსტერდამის „აიაქსისა“ და ჰოლანდიის ნაკრების ნახევარმცველ ფრენკი დე იონგზე ევროპული გრანდები ნადირობენ. თუმცა, ჰოლანდიური მედიის ცნობით, ფეხბურთელმა გადაწყვეტილება მიიღო და ზაფხულში „პარი სენ ჟერმენში“ გადავა.

გავრცელებული ინფორმაციით, პარიზელები „აიაქსს“ 75 მილიონ ევროს გადაუხდიან. ხსენებულ ფაქტს ნაწილობრივ ადასტურებს „აიაქსის“ მთავარი მწვრთნელი ერიმ ტენ ჰაგი, რომელიც შეგირდს არჩევანს უწონებს:

„ჭორები დიდი ხანია არსებობს. დიახ, მე მქონდა საუბარი ფრენკისთან და მითხრა, რომ ფრანგულად საუბარი დაიწყო. ნამდვილად, პსჟ მისთვის კარგი ვარიანტია და კარგი გუნდია, მაგრამ არსებობს სხვა ვარიანტებიც. ამის შესახებ აგენტთან უნდა იმსჯელოს“, - ციტირებს ტენ ჰაგის სიტყვებს RMC-ი.

აქამდე 21 წლის ჰოლანდიელი ფეხბურთელის მომავალს ყველაზე ხშირად კატალონიის „ბარსელონას“ უკავშირებდნენ. მიმდინარე სეზონში დე იონგმა ერედივიზიონში 12 მატჩი ჩაატარა და 1 გოლი გაიტანა.

0.113622