საერთაშორისო ოლიმპიურმა კომიტეტმა (IOC) 2024 წლის პარიზის ოლიმპიური თამაშების პროგრამაში ძალოსნობის დატოვების საკითხის განხილვა გადადო.

ადრინდელ ოლიმპიურ თამაშებზე სპორტსმენებში გახშირებული დადებითი დოპინგ-სინჯების გამო, რასაც არაერთი შედეგის გაუქმება მოჰყვა, ძალოსნობის ოლიმპიურ პერსპექტივას შესაძლოა საფრთხე დაემუქროს.

„IOC განაგრძობს ვითარებაზე დაკვირვებას. ელოდება აშხაბადის მსოფლიო ჩემპიონატზე აღებული ყველა დოპინგ-სინჯის შემოწმებას. ძალოსნობაში გადაიდგა დადებითი ნაბიჯები, მაგრამ 2024 წლის თამაშებზე სპორტის ამ სახეობის ყოფნა კვლავაც განხილვის საგნად რჩება", - განმარტავს IOC-ის კომუნიკაციათა დირექტორი მარკ ადამსი.

გარდა ამისა, IOC შეშფოთებულია ძალოსნობის საერთაშორისო ფედერაციის (IWF) იმ გაურკვეველი გადაწყვეტილებით, რომლის მიხედვითაც აშხაბადის მსოფლიო ჩემპიონატზე გამოსვლის უფლება მისცეს ასპარეზობის უფლების არმქონე მასპინძელ თურქმენ სპორტსმენებს.

www.geonoc.org.ge