საქართველოს კადეტთა ნაკრებმა (15-16 წლამდე) წარმატებით იასპარეზა მსოფლიო პირველობაზე სამბოში, რომელსაც სერბეთის ქალაქმა ნოვი სადმა უმასპინძლა.

შეჯიბრში, სადაც 28 ქვეყნის 203 სამბისტი იყო წარმოდგენილი, ქართველებმა ჯამში 7 მედალი მოიპოვეს: 1 ოქრო, 1 ვერცხლი და 5 ბრინჯაო.
კვარცხლბეკის უმაღლეს საფეხურზე ირაკლი დემეტრაშვილი (+84 კგ. კასპი) ავიდა, ვერცხლის მედალს გოგიტა ბაიაძე (78 კგ. ქარელი) დაეუფლა, ბრინჯაო კი ლუკა გადელიას (46 კგ. ფოთი), დავით ბახბახიშვილის (55 კგ. თელავი), პაატა ტაბატაძეს (72 კგ. ხაშური), ნათია კახობერაშვილსა (38 კგ. მცხეთა) და ეკატერინე რაზმაძეს (41 კგ. კასპი) ერგოთ.
ვთქვათ ისიც, რომ საქართველოს კადეტ ვაჟთა ნაკრებმა გუნდურ ჩათვლაში მესამე ადგილი დაიკავა.