ფეხბურთი

17:30 | 2.12.2018 | ნანახია 3011 - ჯერ

ჩვენი ჯგუფი: წასაშლელი ისტორია

ევროპის 2020 წლის ჩემპიონატის შესარჩევი ეტაპი დაჯგუფდა და შესაბამისად, ცნობილია საქართველოს ნაკრების მეტოქეებიც. ვლადიმირ ვაისის გუნდი D ჯგუფში მოხვდა, სადაც 4 მეტოქე ეყოლება.

ცხელ გულზე რა უნდა ითქვას? - უგრანდო ჯგუფია, მაგრამ ვერც იმას ვიტყვით, რომ ადვილი გზა გველოდება. მეტიც, ძალზე თანაბარი ჯგუფია. საქართველოს წარსულში ყველასთან ჩაუტარებია მინიმუმ 2 მატჩი, მაგრამ სასიხარულო და საამაყო არაფერი გვაქვს.

გიბრალტარი ერთადერთია, რომელიც აქამდე დაგვიმარცხებია. აი, შვეიცარიასთან, დანიასთან და ირლანდიასთან ჯამში ჩატარებული 14 მატჩიდან მხოლოდ და მხოლოდ 3 ფრით შეგვიძლია დავიკვეხნოთ. ეს რა თქმა უნდა, ძალზე უსიამოვნო სტატისტიკაა.

წარსული თითქოს კარგად არაფერს გვპირდება დამდეგ შესარჩევ ციკლში, მაგრამ მაინც წარსულია, სტატისტიკაა და მთავარია რა იქნება აწმყოში. ჩვენი ჯგუფის შესახებ რაღა თქმა უნდა, კიდევ დავწერთ, მაგრამ მანამდე, გავეცნოთ ურთიერთშეხვედრების ისტორიას შვეიცარიასთან, დანიასთან, ირლანდიასთან და გიბრალტართან...

დანია - 3 თამაში, 0 მოგება, 1 ფრე, 2 წაგება, 4:10 ბურთების ბალანსი

დანიის ნაკრებისა და საქართველოს გზები პირველად 2006 წლის მუნდიალის შესარჩევ ეტაპზე გადაიკვეთა. ისტორიაში სადებიუტო თამაში კი 2004 წლის 17 ნოემბერს თბილისში შედგა და ერთადერთი შემთხვევაა დღემდე, როდესაც სკანდინავიელებთან საქართველო არ დამარცხებულა.

„მიხეილ მესხზე“ იტალიური „მილანის“ შემტევი იონ და ლ ტომასონის შეჩერება ალენ ჟირესის გუნდისთვის რთული საკითხი გამოდგა. დანიელმა ფორვარდმა მე-7 და 64-ე წუთებზე ორჯერ გაიტანა. თუმცა, „ჯვაროსნებმა“ ორივე გოლი გაქვითეს. ჯერ გიორგი დემეტრაძემ 33-ე წუთზე, ხოლო მერე მალხაზ ასათიანმა 76-ე წუთზე. განსაკუთრებით ეფექტური სწორედ ასათიანის გოლი გამოდგა...

იმავე შესარჩევ ეტაპზე გაიმართა საპასუხო მატჩიც, რომელშიც ჩვენთვის კარგი არაფერი მომხდარა. 2005 წლის 7 სექტემბერს, კოპენჰაგენში დანიელებმა 6:1 გაიმარჯვეს... მასპინძელთაგან კლაუს იენსენმა, კრისტიან პოულსენმა, დანიელ აგერმა, იონ დალ ტომასონმა და სორენ ლარსენმა (დუბლი) გაიტანეს. ქართველთაგან კი თავი გიორგი დემეტრაძემ 37-ე წუთზე გამოიჩინა და იმ დროისთვის 1:2 გახადა ანგარიში...

ბოლო დაპირისპირება კი ამხანაგური ხასიათის გახლდათ და 2013 წლის 5 ივნისს, ოლბორგში გაიმართა. ამჯერად, თემურ ქეცბაიას ფორმაციის გუნდმა გაცილებით დიდი წინააღმდეგობა გაუწია მეტოქეს, მაგრამ მაინც დამარცხდა. უგოლო პირველი ტაიმის შემდეგ, საქართველო დაწინაურდა. 52-ე წუთზე თავი ირაკლი ძარიამ გამოიჩინა. დანიელებმა შეხვედრა ბოლოში შემოატრიალეს. ნიკლას პედერსენმა 77-ე წუთზე გაათანაბრა, ხოლო საფინალო სასტვენამდე ერთი წუთით ადრე, კრისტიან ერიკსენმა დიდებული საჯარიმო დარტყმით დანიას მოაგებინა.

შვეიცარია - 2 თამაში, 0 მოგება, 1 ფრე, 1 წაგება, 1:4 ბურთების ბალანსი

საამაყო არაფერი გვაქვს შვეიცარიის ნაკრებთან დაპირისპირებებშიც. ასეთი რამ ორჯერ მოხდა, ჩვენი გზები ევრო 2004-ის შესარჩევ ეტაპზე გადაიკვეთა და კობი კუნის შვეიცარია მთლიანად შესარჩევი ციკლი დიდებულად ჩაატარა.

პირველი მატჩი 2002 წლის 8 სექტემბერს, ბაზელში შედგა. 37-ე წუთზე მასპინძლები ალექსანდრ ფრაის გოლით დაწინაურდნენ და ტაიმიც მოიგეს. საქართველომ ანგარიში 62-ე წუთზე გაათანაბრა, თავი შოთა არველაძემ გამოიჩინა. თუმცა, არ გასულა ერთი წუთი და ჰაკან იაკინმა შვეიცარიის ნაკრები ისევ დააწინაურა. მერე კი, პატრიკ მიულერმა და შტეფან შაპუიზამ საბოლოო ანგარიში დააფიქსირეს - 4:1.

მეორე მატჩი 2003 წლის 2 აპრილს, თბილისში გაიმართა და ამჯერად გუნდებმა ქულები გაიყვეს, გოლი არ გასულა - 0:0.

გიბრალტარი - 2 თამაში, 2 მოგება, 0 ფრე, 0 წაგება 7:0 ბურთების ბალანსი

ერთადერთი მეტოქე, რომელთანაც საქართველოს დადებითი ბალანსი გააჩნია, გიბრალტარია. ამ გუნდების გზა ევრო 2016-ის შესარჩევ ციკლში გადაიკვეთა და „ჯვაროსნებმა“ ორივე მატჩში უპრობლემოდ გაიმარჯვეს.

2014 წლის 14 ოქტომბერს, ჩვენი ქვეყნის მთავარმა გუნდმა სტუმრად 3:0 მოიგო. ნიკა გელაშვილმა (მე-9 წუთი), თორნიკე ოქრიაშვილმა (მე-19 წუთი) და ჯაბა კანკავა (69-ე წუთი) გაიტანეს გოლები.

საპასუხო თამაში კი „დინამო არენაზე“ 2015 წლის 8 ოქტომბერს გაიმართა და ქართველებს ამჯერადაც არ ჰქონიათ პრობლემები - 4:0. მათე ვაწაძემ დუბლი შეასრულა პირველივე ტაიმში. მის გარდა თავი თორნიკე ოქრიაშვილმა და ვაკო ყაზაიშვილმა გამოიჩინეს.

ირლანდია - 9 თამაში, 0 მოგება, 1 ფრე, 8 წაგება, 5:17

ირლანდიის ნაკრები ჩვენთვის კარგად ნაცნობია, მაგრამ რად გინდა?! – 9 მატჩი, 8 მარცხი და ერთადერთი ფრე. აქედან 8 ოფიციალური თამაში და ერთიც ამხანაგური. ჯერ სწორედ ამ სპარინგით დავიწყოთ – 2013 წლის ივნისში დუბლინში 4:0 წავაგეთ. ეს მატჩი ცუდად უნდა ახსენდებოდეს გიორგი ლორიას, რომელმაც მე-19 წუთზე წითელი ბარათი მიიღო და თითქმის მთელი თამაში საქართველოს ნაკრებს კაცნაკლულს მოუწია თამაში. გოლები კი რიჩარდ კეომ, საიმონ კოქსმა და რობი კინმა გაგვიტანეს. ამ უკანასკნელმა ეს ორჯერ გააკეთა.

რაც შეეხება ოფიციალურ მატჩებს: პირველად ჩვენი გზები ევრო 2004-ის შესარჩევში გადაიკვეთა: 2003 წლის 29 მარტს “მიხეილ მესხზე” სტუმრებმა ორჯერ იხეირეს: დემიენ დაფმა და გარი დოჰერტიმ. გადამწყვეტი გოლი დოჰერტიმ 84-ე წუთზე გაგვიტანა, არადა 62-ე წუთზე ლევან კობიაშვილის ულამაზესი ჯარიმით გათანაბრებაც მოვახერხეთ. იმავე წლის ივნისში კი, დუბლინში, 2:0 დაგვამარცხა მასპინძელმა გუნდმა: ჩვენს კარში გოლი ისევ გარი დოჰერტიმ შეაგდო, მასთან ერთად რობი კინმა.

შემდეგ ჯერი 2010 წლის მუნდიალის შესარჩევ ეტაპზე დადგა: 2008 წლის 6 სექტემბერს მაინცში “ვუმასპინძლეთ” კელტებს და კვლავ ვერაფერი გავაწყეთ. ლევან ყენიას გვიანმა გოლმა მხოლოდ ანგარიში დაასველა. ირლანდიელთაგან დოილმა და უელანმა იხეირეს.

დუბლინში კი, მეტი პრობლემა შევუქმენით მეტოქეს: პირველივე წუთზე ალექსანდრე იაშვილის გოლით წინ გავედით კარგა ხანს ვიგებდით. თუმცა, მერე საქმეში მსაჯი ჩაერია და 72-ე წუთზე ჩვენს კარში პენალტი მოიგონა, რომელიც რობი კინმა ზუსტად დაარტყა. დარჩენილ დროში “ჯვაროსნები” გატყდნენ და კინმა ხუთ წუთში დუბლი გაიფორმა - 1:2.

ევრო 2016-ის შესარჩევი ციკლიც უსიამოვნოდ გვახსენდება და მითუფრო ირლანდიასთან: თბილისში ეიდენ მაკგიდის დუბლს თორნიკე ოქრიაშვილის ულამაზესი გოლით ვუპასუხეთ, ხოლო დუბლინში, 2015 წლის 7 სექტემბერს, მინიმალურად წააგო კახა ცხადაძის ნაკრებმა. შეხვედრის ერთადერთი გოლი ჯონ უოლტერსმა 69-ე წუთზე გაიტანა.

ირლანდია მარადმწვანე მეტოქედ გვექცა, 2018 წლის მუნდიალის შესარჩევ ციკლშიც ჩვენი მოწინააღდეგე იყო. ამჯერად, საქართველოს ნაკრებმა კელტებს ორივე თამაშში დიდი წინააღმდეგობა გაუწია.

2016 წლის 6 ოქტომბერს, დუბლინში, ვლადიმირ ვაისის გუნდი არაფერში ჩამოუვარდებოდა მეტოქეს და რიგ ეპიზოდებში აჯობა კიდეც. მარტო ის რად ღირს, რომ პირველ ტაიმში ორჯერ ძელმა გადაარჩინა ირლანდიელები. თუმცა, 56-ე წუთზ სეამუს კოულმენისგან ცოტა არ იყოს, კომიკური გოლი გავუშვით და ზედიზედ მერვე თამაში წავაგეთ ირლანდიასთან.

ნავსი, რომლის გატეხვას 14 წელი და 8 მატჩი ველოდებოდით, 2017 წლის 2 სექტემბერს გატყდა. შეინ დაფმა მეოთხე წუთზე დააწინაურა სტუმრები და თითქოს განგება კარგს არაფერს გვიქადდა, მაგრამ ზუსტად ნახევარ საათში ვაკო ყაზაიშვილმა გაათანაბრა და მერე ანგარში აღარ შეცვლილა. ირლანდიას კი, თბილისში დაკარგული ორი ქულა, მუნდიალის გარეშე დარჩენად დაუფასდა. საბოლოოდ, მარტინ ონილის გუნდი ლიდერ სერბეთს სწორედ ორი ქულით ჩამორჩა და პლეი-ოფში მოუწია მუნდიალის საგზურისთვის ბრძოლა, სადაც დანიასთან დამარცხდა. ეს კი, ჩვენთვის მაინც სასიამოვნო ამბავი იყო, რადგან ერთხელ მაინც მოვახერხეთ იმ ნაკრების გამწარება, რომელიც საქართველოს ნაკრებისთვის ყველაზე უხერხული მეტოქეა ისტორიაში...

ერთის მხრივ უარყოფითი ბალანსი რა თქმა უნდა, მოსაწონი არაა, მაგრამ მეორეს მხრივ, შეიძლება საჩვენოდ გამოვიყენოთ. სხვა თუ არაფერი, საქართველოს ნაკრებს გიბრალტარის გარდა ყველა მეტოქესთან რევანშის აღების დიდებული შანსი ეძლევა. თანაც, თუ ვსაუბრობთ პროგრესზე, მაშინ ასეთ მეტოქეებთან უნდა დავამტკიცოთ, რომ ეს ჭეშმარიტებაა!

Loading...

კომენტარები (19)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
17:37 | 06.12.2018
kobaSP (4467)

ამ კჯგუფში ერთადერთი ნაკრებია- შვეიცარია... რომელთან მართლაც რომ უშანსოდ ვართ...
ირლანდიასთან 4 ქულის აღებაც შეიძლება. უხერხული მექტოქე იყო მუდამ, მაგრამ უკვე წელსაა სხვა გუნდი... ის მაღალი კლასის ლიდერები აღარ ჰყავს, ხოლო გაისად სულ სხვა გუნდი იქნება.
წინა შესარჩევზე, მართლაც რომ არ გაგვიმართლა დუბლინში, ეგ გოლიც არ იყო!!! არამედ ლელო დაგვიდეს... ამ ეტაპზე კი უეჭველი უნდა დავამარცხოთ თბილისში, ეგეც და დანიაც! სიმართლე გითხრათ, არ მეიმედება გასვლის, მაგრამ მესამე ადგილი- ეს იქნება მართლაც კომფორტული შედეგი და ადგილიც თუ კალათა... თვით ტურნირიც, შესანიშნავი რამაა, ფეხბურთელების გამოსაცდელად. გუნდიც შეთამაშდება და შესარჩევიდან 4-5 თვეში, უკვე "ერთა ლიგისთვის" სრულებით მზად ვიქნებით.

23:16 | 02.12.2018
iskander (4)

სწორედ ეგაა უხერხული მეტოქის ფაქტორი,9 თამაშიდან 8 მარცხი თან ვერ იტყვი რო ყველა თამაშში გვაჯობეს პირიქით რო გაგვმართლებოდა რამოდენიმეს მოვუგებდით კიდეც,ფრეზე რომ არაფერი ვთქვა,უბრალოდ უხერხული გუნდია ჩვენთვის,ღმერთმა ქნას ამჯერად გაგვიმართლოს თუმცა...

23:07 | 02.12.2018
akaki (1140)

ირლანდიასთან უბრალოდ არ გვიმართლებდა არასდროს.. და სულ მაგათ ხო არ გაუმართლებთ?

23:05 | 02.12.2018
iskander (4)

ძალიან რთული ჯგუფია,ერთადერთი შანსი ერთა ლიგაზეა,მარტო მეხუთე კალათის გუნდთან გაგვიმართლა,პირველ კალათაში პოლონეთს ვისურვებდი,მეორეში რუსეთს რომელსაც თბილისში 100% ით მოვუგებდით,მესამეში ფინეთს და არამც და არამც ირლანდიას რომელთანაც საშინელი ბალანსი გვაქვს ურთიერშეხვედრებში და რომელთანაც ჩვენ უბრალოდ ვერ ვთამაშობთ,უხერხული მეტოქეა ჩვენთვის,იდეალური ჯგუფი იქნებოდა პოლონეთი,რუსეთი,ფინეთი,საქართველო,გიბრალტარი,თუმცა რაცაა ესაა,წარმატება ჩვენს ბიჭებს

20:44 | 02.12.2018
MARGVELI (1607)

ნაკრებს რომელსაც ორ-ორი თამაშიდან თითოში მაინც დანიისა და ირლანდიის დონის ნაკრების დამარცხება არ შეუძლია არაფერი ესაქმება ჩემპიონატზე
დაველოდოთ რას იზმან

20:54 | 02.12.2018
mjgiri (3926)

ფეხბურთელების დონით სამი ნაკრები გვჯობია ამ ჯგუფში..

00:08 | 03.12.2018
despe (3437)

აღარ ვითამაშოთ.

20:38 | 02.12.2018
mjgiri (3926)

ყველაზე მაგარი იქნებოდა კვიპროსის მაგივრად რო მოვხვედრილიყავით I-ჯგუფში: ბელგია,რუსეთი,შოტლანდია,საქართველო,ყაზახეთი და სან მარინო.აქ მართლე შეგვეძლებოდა ბრძოლა.ამ ჯგუფში კი..მესამე ადგილისთვის უნდა ვიბრძოლოთ

20:17 | 02.12.2018
lagashi (3178)

მეოთხე კალათაში ვართ და რეალურადაც მეოთხეზეა ჩვენი ადგილი, ამიტომ მინდოდა 6 გუნდიანი ჯგუფი, უკან 2 გუნდს მოვიტოვებდით და ვიქნებოდით მეტნაკლებად კმაყოფილი , მესამეზე გასვლა იქნება გმირობის ტოლფასი, თუ მეოთხე ადგილზე გავედით და ჩვენზე უკან მხოლოდ გიბრალტარი აღმოჩნდა, ცალსახად ყველა უარყოფით შედეგად ჩათვლის ნაკრების გამოსვლას და წავა ვაისის გინება

21:13 | 02.12.2018
salazar (1513)

ხო მეც ექვსი მინდოდა, მაგრამ ირლანდიის დრო მოვიდა რა. რატომღაც დარწმუნებული ვარ, რომ მოვუგებთ. ეჭვიც არ მეპარება.

მთავარია საკადრი პრობლემები არ გვქონდეს და მემგონი, რომ უნდა ავკრიფოთ ქულები. აქიდან გიბრალტარის გარდა ყველა შეგვიტევს. ამ ქვეჯგუფში, რომ უკნიდან გვეთამაშებოდნენ ეგრე აღარ იქნება. ჩვენ შემტევებსაც მეტი შანსი ექნებათ და ვნახოთ რა გამოვა. კარგი თამაშები იქნება, ამის თქმა თამამად შეიძლება.

22:42 | 02.12.2018
lagashi (3178)

აი ზუსტად ირლანდია იქნება იმის საზომი რეალურია ჩვენი პროგრესი თუ მხოლოდ მოჩვენებითია... უმეტესად ტოლსწორად ვეთამაშებოდით ირლანდიელებს და რაღას გვაკლდებოდა. გაისად ვნახოთ ვნახოთ

19:49 | 02.12.2018
გორდა (35)

გიბრალტარის გარდა ყველა იბრძოლებს, თან ეგ ყველა ლოგიკურად ჩვენზე ძლიერები არიან მრავალი გარემოების მიხედვით, მაგრამ გუნდიან გულშემატკივრიანად მიზნად მინიმუმ მე-2 ადგილი თუ არ დავისახეთ რა აზრი აქვს ასპარეზობას?!
წინ საქართველო!!!

19:18 | 02.12.2018
sergia vaneli (215)

როდის დაიდება კალენდარი?

19:10 | 02.12.2018
ქართველი გულშემატკივარი (27)

თუ მოხდა სასწაული და გავედით ამ ჯგუფიდან მერე ერთალიგაზე რა ხდება ნახევარფინალს მაინც ვთამაშობთ?

14:06 | 03.12.2018
O. Mertskhali (3219)

ხო, აღარ ვითამაშებთ

19:05 | 02.12.2018
arsena8 (371)

შვეიცარია რატომ არ არის გრანდი, ვითომ რა იტალიაზე სუსტია თუ რომელიმე "გრანდი" მოუგებს , ბელგია არ იყო მთელი თავისი აზარ-ლუკაკუებით რო წააქცია და გააშაჩირა!? ან რამდენ გრანდს ყავს ერიქსენის დონის ფეხბურთელი! ირლანდია უბრალოდ უკეთესი გუნდია და არასოდეს და არავისთან არ ნებდება და გამუდმებით მოედნის ყოველ ნაჭილში იბრძვის , ამ გუნდის სტილი ბრძოლაა და არა სასიამოვნოდ საყურებელი დახვეწილი თამაში . იმედი შეიძლება ყველაფრის გქონდეს, მაგრამ საქართველოში რომ ცხოვრობ და აქეთ-იქით გაიხედავ და კიდევ რამის იმედი გაქვს , ეგ ძალიან რთული შემთხვევაა, მაგას ფროიდი,იუნგი და ბერნი ვეღარ უშველის ერთად.

18:43 | 02.12.2018
baxt (1233)

ძალიან უხერხული მეტოქეები გვერგო, რთული იქნება...

18:37 | 02.12.2018
dinamo222 (4556)

არ გვაქვს ბედი რაა ზუსტად შვეიცარია არ მინდოდა და მაინც და მაინც ეგ დაგვეჯახა @ შეიცარელებთაქნ ყოველთვის გვიჭირდა და გვიჭირს ნაკრებითაც და გუბდებითაც მაგას ჯობდა რომელიმე გრანდი შეგვხვედროდა ამას პლიუს დანია და ირლანდიაც არაა საჩუქარი @

20:48 | 02.12.2018
MARGVELI (1607)

და ჩვენთვის ვინ არის საჩუქარი?

18:05 | 02.12.2018
ფაშა (45)

1. შვეიცარია - ძალიან ძლიერია, საუკეთესო პერიოდი უდგათ, მაგრამ შეიძლება ბრძოლა. დაცვა კონტრეშეტევებზე, რაც ჩვენი პლიუსია.
2. დანია - დაცვითი სტილის გუნდი,მაგრამ ჩვენთან მოსაგებად ითამაშებენ და ესეც ჩვენი პლიუსია თუ დაცვაზე და კონტრშეტევებზე ვითამაშებთ.
3. ირლანდია - ამ გუნდს თაობათა ცვლა დაეწყო, მობერებული და ახალგზრდები არც თუ ისე გამორჩეულები, ახალი მწვრთნელი, არა ვარსკვლავი. კრიზისი აქვს და საჩვენოდ უნდა გამოვიყენოთ, მათთან ბოლო თამაშებმაც აჩვენა რომ შანსები რეალური გვაქვს.
გიბრალტარი - აი ამათთან კი გაგვიჭირდება, მაგრამ ორივე თამაში უნდა მოვიგოთ ჩაკვეტაძე-ოქრი-ჯანო-ქვილითას ფორმაში ყოფნით.
მესამე ადგილზე გავალთ ჩემი პროგნოზით.


რაც შეეხება ერთა ლიგას, თუ ღმერთმა ქნას და გავედით ამ ჯგუფიდან, ჩვენს მაგიერ ბელარუსთან ყაზახეთი ითამაშებს.

18:03 | 02.12.2018
dubligi (649)

ადმინ... იქნებ შენ იცი, ან ზუსტად გაგვიგო და გვითხრა,რომელი ტურნირიდან აკლდება გასული გუნდი და მის ქვევითა ადგილოსანი გადის? უფრო კონკრეტულად ავხსნი მაგალითზე..
ვთქვათ, შვეიცარია გავიდა ძველებურ შესარჩევში, ანუ ეხლა ჩვენ ჯგუფში, 1-2 ადგილზე და ერთალიგაც მოიგო, აქ ჩვენ ჯგუფში მე-3 ადგილი გადის?
თუ პირიქითაა, ეხლა თუ გავიდა შვეიცარია 1-2 ადგილზე, საერთოდ აღარ მიდის ერთალიგაზე და ეს ამბავი უხარია ბელგიას( იმიტო რომ ეგაა მე-2 ადგილოსანი ხო) და თუ ბელგიაც გავიდა შესარჩევში? მაშინ? გავა მე-3 ადგილოსანი ისლანდია 0 ქულით?
ძალიან გაუგებარია ეს მომენტი....
მადლობა წინასწარ...

17:49 | 02.12.2018
ilia_juventus (1127)

ირლანდია ძალიან დასუსტებულია ! ერთი კოლემანი ჰყავს ევერტონის მარჯვენა მცველი. დანარჩენი ნაგავია. მაგათზე კი ვიყრით ჯავრს ...
რაც შეეხება შვეიცარიას.. ერთი შაქირია და და ნუ ებოლოც სახიფათოა..
ნუ დანია ფავორიტია უდავოდ !

17:47 | 02.12.2018
despe (3437)

ან კიდე, ჩვენ რანაირად ჩავტოვეთ ჯგუფში ირლანდია, როცა მეორე ადგილზე გავიდნენ?

17:56 | 02.12.2018
despe (3437)

საქართველოში რო მოეგოთ, მაინც მეორე ადგილზე რჩებოდნენ, რადგან სერბეთთან უარყოფითი ბალანსი ჰქონდათ და არც ბურთების შეფარდება ჰქონდათ სერბეთის ნაკრებზე უკეთესი.

17:44 | 02.12.2018
ilia_juventus (1127)

მჭედლო და ქვილიტაია იყვნენ მაგ პერიოდისთვის ფორმაში და არ გავ*არი შაქირის და პოულსენს !

17:40 | 02.12.2018
despe (3437)

ბოლო მატჩშიც მსაჯის გამო გავუშვით ბურთი

რატო გავიწყდებათ მსაჯთა გმირობების აღნიშვნა????

17:43 | 02.12.2018
despe (3437)

მეკარეზე ჯარიმა!

სარეკლამო ადგილი - 20
250 x 188
სარეკლამო ადგილი - 22
250 x 250
0.113055