ესპანური „ბარსელონა“ აგრძელებს სხვადასხვა კომპანიებთან მოლაპარაკებებს, „კამპ ნოუს“ სახელის გადარქმევასთან დაკავშირებით, გვამცნობს RAC1.
გამოცემის ინფორმაციით, სტადიონის დასახელების უფლების ყიდვის მთავარი პრეტენდენტი ფარმაცევტული კომპანია Grífols-ია, რომელიც 1940 წელსაა ბარსელონაში დაარსებული. მოლაპარაკება უახლოეს კვირებში შეიძლება დამთავრდესო.
ზაფხულში, ესპანური მედია უკვე წერდა, რომ „ბარსელონას,“ სტადიონის სახელის გაყიდვით, 300 მილიონი ევროს მიღება სურს. ისიც ცნობილია, რომ კლუბი ქალაქის საბჭოს უკვე მოელაპარაკა საკუთარი სარბიელის რეკონსტრუქციის შესახებ. ჯამში, განახლება, დაახლოებით 600 მილიონი ევრო ჯდება და საკუთრივ სტადიონის გარდა, საკლუბო ოფისებისა და შემოგარენის შელამაზებასაც გულისხმობს.
