თურქულ ქონიაში მიმდინარე საჭადრაკო ოლიმპიადის ბოლო ტურები წარუმატებელი გამოდგა საქართველოს ნაკრებისთვის. ქართველმა მოჭადრაკეებმა ერთნაირი ანგარიშით (1.5:2.5) ჯერ ჩინეთთან წააგეს, შემდეგ კი, საფრანგეთთან.

შედეგად, 7 ტურის თავზე, საქართველოს ნაკრებს 4 მოგება და 3 მარცხი აქვს და ტურნირის 46 მონაწილეს შორის მე-13 ადგილზე იმყოფება, ლიდერები კი უზბეკეთი და ირანი არიან 12-12 ქულით.
შეგახსენებთ, რომ ოლიმპიადა 9 ტურად მიმდინარეობს. მე-8 ტურის პარტიები დღეს შედგება, ქართველ მოჭადრაკეთა მეტოქე კი ყაზახეთი იქნება.
ქართული გუნდის ღირსებას ნიკოლოზ პეტრიაშვილი (2389), ნიკოლოზ კაჭარავა (2356), ლუკა ობოლაძე (2318), შოთა ხოდაშნელი (2018) და ეკატერინე ფიფია (1995) იცავენ.