ეროვნულ საკალათურთო ასოციაციაში მორიგი, ზედიზედ მეოთხე გამარჯვება მოიპოვა ზაზა ფაჩულიას „დეტროიტ პისტონსმა“, რომელმაც საკუთარ დარბაზში „ჩიკაგო ბულსი“ ადვილად, 107:88 დაამარცხა.

ამაში თავისი წვლილი ვეტერანმა ქართველმა ცენტრამც შეიტანა. ზაზამ პარკეტზე 18:04 წუთი გაატარა და ხსენებულ დროში 4 ქულა, 9 მოხსნა, 2 პასი და 2 ჩაჭრა მიითვალა. ფაჩულიამ 2-დან 1 ორქულიანი და 2-დან 2 საჯარიმო ჩააგდო, ხოლო ორჯერ ბურთი მეტოქის ფარზე მოხსნა.

ყველაზე შედეგიანი „ჩიკაგოს“ 19 წლის მოთამაშე ვენდელ კარტერი იყო, რომელმაც 29 წუთში 28 ქულა, 1 პასი და 7 მოხსნა მიითვალა, ხოლო გამარჯვებულთა შორის ბლექ გრიფინი და რეჯი ჯექსონი გამოირჩნენ 20-20 ქულით. განსაკუთრებით აღსანიშნავი გრიფინის გარჯაა, რომელმაც ხსენებულ 20 ქულას 5 შედეგიანი პასი და 10 მოხსნაც დაუმატა. გამორჩეული იყო ანდრე დრამონდი, რომელამც 19 ქულა დააგროვა და ბურთი ფარიდან 20-ჯერ მოხსნა.

„დეტროიტს“ აღმოსავლეთ კონფერენციაში 7 მარცხის წილ 12 გაამრჯვება დაუგროვდა და მეოთხე ადგილზე იმყოფება, ხოლო მომდევნო მატჩს 2 დეკემბერს, სახლში, ზაზას ყოფილი გუნდის, „გოლდენ სტეიტ უორიორზის“ წინააღმდეგ ჩაატარებს.