დონეცკის “შახტარის” 19-წლამდე გუნდის კაპიტანმა ბექა ვაჩიბერაძემ ჩემპიონთა ლიგის ახალგაზრდულ გათამაშებაში “პორტუს” გაუტანა. ამპლუით საყრდენმა ნახევარმცველმა მატჩის საწყის წუთებში თერთმეტმეტრიანით დააწინაურა თანაგუნდელები. რამდენიმე წუთში პორტუგალიელებმა ასევე პენალტით გაქვითეს ანგარიში. დარჩენილ დროში გოლი არ გასულა.

ვაჩიბერიძის თანაგუნდელია ქართული გვარის მქონე ილია იჩუაიძე. ამპლუით მცველის დებიუტი ჩემპიონთა ლიგის ახალგაზრდულ ჩემპიონატში პირველ ტურში ბილბაოს “ატლეტიკთან” მატჩში შედგა, მეორე ტურში ვაჩიბერაძეს მსგავსად სრულად ითამაშა “პორტუსთან” შეხვედრაში.

ვაჩიბერაძე უკრაინის 16, 17 და 18-წლამდე ნაკრებებში თამაშობდა. ამჟამად 19-წლამდე ნაკრების მოთამაშეა. ქუთაისში დაბადებული ფეხბურთელი 2012 წელს “შახტარში” “ჩერნომორეცის” 17-წლამდე გუნდიდან გადავიდა.

უკრაინის 17-წლამდე ნაკრებში თამაშისას “მიხეილ მესხზე” ქართველი თანატოლების წინააღმდეგ ითამაშა და მოედანზე ორივე გუნდის შემადგენლობაში ერთ-ერთი საუკეთესო იყო.

დიმა შარიქაძე