ზაზა ფაჩულიას “დეტროიტ პისტონსმა” ეროვნულ საკალათბურთო ასოციაციაში მე-9 გამარჯვება იზეიმა და აღმოსავლეთ კონფერენციაში მე-5 ადგილზე იმყოფება.

დეტროიტელები შინაურ კედლებში “ჰიუსტონ როკეტსს” დაუხვდნენ და ოვერტაიმში 116:111 სძლიეს, ვეტერანმა ქართველმა ცენტრმა კი მოედანზე 4 წუთი გაატარა და აქტივში 1 მოხსნა ჰქონდა, პასივში კი – 2 აცილებული ტყორცნა.
“პისტონსის” მხრიდან საუკეთესონი ბლეიკ გრიფინი (28 ქულა, 9 მოხსნა), ანდრე დრამონდი (23 ქულა, 20 მოხსნა) და რეჯი ჯეკსონი (22 ქულა) იყვნენ, ჰიუსტონელთაგან კი ჯეიმს ჰარდენი (33 ქულა), კლინტ კაპელა (29 ქულა, 21 მოხსნა) და კრის პოლი (20 ქულა) გამოირჩნენ.
დეტროიტელებს მომდევნო მატჩი 25 ნოემბერს ელით, როდესაც “ფენიქს სანსს” გაეჯიბრებიან.