ძიუდო

23:35 | 20.11.2018 | ნანახია [] - ჯერ

9 ქართველი ძიუდოისტი ოსაკას გრანდ სლემზე

23-25 ნოემბერს იაპონიის ქალაქი ოსაკა ძიუდოში ერთ-ერთ ყველაზე პრესტიჟულ გრანდ სლემს უმასპინძლებს, რომელიც ლეგენდარული ძიგორო კანოს სახელობის გახლავთ.

შეჯიბრში მონაწილეობას 75 ქვეყნის წარმომადგენელი 454 ძიუდოისტი (284 მამაკაცი, 170 ქალი) მიიღებს, რომელთა შორის 9 ქართველიცაა.
წინასწარი განაცხადის თანახმად, ოსაკას გრანდ სლემში საქართველოს ეროვნული ნაკრების 9 წევრი ჩაერთვება:
ლუხუმ ჩხვიმიანი (60 კგ.), ვაჟა მარგველაშვილი (66 კგ.), ლაშა შავდათუაშვილი (73 კგ.), ზებედა რეხვიაშვილი (81 კგ.), ნუგზარ ტატალაშვილი (81 კგ.), უშანგი მარგიანი (90 კგ.), ავთანდილ ჭრიკიშვილი (90 კგ.), ვარლამ ლიპარტელიანი (100 კგ.), გურამ თუშიშვილი (+100 კგ.).
ტურნირის რეგლამენტის თანახმად, წილისყრის პროცედურა 22 ნოემბერს გახლავთ დაგეგმილი, 23-ში მედლები ვაჟთა 60 და 66 კგ-მდე წონით კატეგორიებში გათამაშდება, 24-ში – 73-სა და 81-ში, ხოლო 25-ში – 90-ში, 100-სა და მძიმე (+100 კგ.) წონაში.
ვთქვათ ისიც, რომ ოსაკას Maruzen Intec Arena-ზე წინასწარი ეტაპის შეხვედრები სამივე დღეს 05:00 საათზე დაიწყება, ფინალური ბლოკები კი 12:30 საათიდან გახლავთ დაგეგმილი.

0.109555