მადრიდის „რეალის“ ხორვატმა ნახევარმცველმა, ლუკა მოდრიჩმა ჟურნალისტებს უთხრა, რომ სეზონის ცუდი დასაწყისის მიუხედავად, ახალ მწვრთნელთან ერთად, „სამეფო კლუბი“ ყველა ჯილდოს მოგებას შეეცდება.

„სეზონი ძალიან ცუდად დავიწყეთ, მაგრამ მთავარია, როგორ დავამთავრებთ მას. ბევრი უნდა ვიმუშაოთ, რათა უკეთესები გავხდეთ. ჩვენი გუნდი ყოველ წელიწადს აწყდება დაბრკოლებებს, მაგრამ ყოველთვის ვაჟკაცურად უმკლავდება მათ.

მთავარია, თამაში გამოვასწოროთ, შემდეგ კი ჯილდოების მოგებაზეც ვიფიქრებთ. დარწმუნებული ვარ, ახალ მწვრთნელთან ერთად, წარმატებული სეზონი გველის.

ფეხბურთში შეუძლებელი არაფერია. განსაკუთრებით მადრიდის „რეალისთვის.“ ეს ბოლო სამ სეზონში დავამტკიცეთ. ყველას ეგონა, შეუძლებელი იყო, მაგრამ ჩვენ მაინც ვიმარჯვებდით. ჩემპიონთა ლიგის ზედიზედ მეოთხედ მოგება? რატომაც არა, ყველაფერს გავაკეთებთ ამისათვის.“ - უთხრა მოდრიჩმა Goal.com-ს.

შეგახენებთ, რომ 33 წლის მოდრიჩი „რეალში“ „ტოტენჰემიდან“ 2012 წლის ზაფხულში გადავიდა 30 მილიონ ევროდ.

წლევანდელ სეზონში, „სამეფო კლუბის“ მაისურით, მან 16 შეხვედრა გამართა და 3 საგოლე პასი მიითვალა.