წლის შემაჯამებელ ტურნირზე კევინ ანდერსონმა კეი ნიშიკორი 6:0, 6:1 გაანადგურა. მატჩის შემდეგ კეიმ კომენტარი გააკეთა და აღნიშნა, რომ მისი დღე არ იყო.
"წარმოდგენა არ მაქვს რა მოხდა. უამრავ შეცდომას ვუშვებდი. ბურთს საერთოდ ვერ ვგრძნობდი. ჩემი დღე არ იყო. იმედია შევძლებ და ხვალინდელი მატჩისთვის მოვემზადები. ამ მარცხმა მომავალ შეხვედრაზე არ უნდა იმოქმედოს. ეს დღე უნდა დავივიწყო"- განაცხადა ნიშიკორიმ.
ტურნირის ისტორიაში სულ მეექვსე შემთხვევა დაფიქსირდა, რომ ჩოგბურთელმა მთელ შეხვედრაში ორი გეიმის მოგებაც კი ვერ მოახერა. კეის აქამდე კარიერაში ასეთი შედეგით წაგება მხოლოდ ერთხელ 2008 წელს რობინ სოდერლინგთან სტოქჰოლმის ტურნირზე ჰქოდნა დაფიქსირებული.
