ფეხბურთი

1:57 | 13.11.2018 | ნანახია [] - ჯერ

ოთარ კაკაბაძე: "ანდორა აუცილებლად უნდა დავამარცხოთ"

საქართველოს ეროვნულმა ნაკრებმა ერთა ლიგის ჯგუფური ეტაპის დასკვნითი მატჩებისთვის მზადება დაიწყო. ანდორასთან შეხვედრის წინ კომენტარი გააკეთა ოთარ კაკაბაძემ, რომელიც ამბობს, რომ საქართველომ ანდორა აუცილებლად უნდა დაამარცხოს.

გარდა ამისა, კაკაბაძე დიდ მნიშვნელობას არ ანიჭებს და სირთულეს ვერ ხედავს ხელოვნურსაფარიან მოედანში:

"ოთხი მოგების შემდეგ ეროვნულ ნაკრებში მშვენიერი განწყობაა და ეს აუცილებლად უნდა შევინარჩუნოთ. პირველ რიგში, ანდორას წინააღმდეგ გასამართი მატჩი აუცილებლად მოსაგებია. ვფიქრობ, რომ გამარჯვებას კვლავ ჩვენი ბრძოლისა და ბურთის კონტროლის ხარჯზე მოვიპოვებთ. რაც შეეხება ხელოვნურსაფარიან მოედანს, ნაკრების ფეხბურთელებს ჩემპიონატებშიც გვიწევს მსგავს მინდვრებზე თამაში, რა თქმა უნდა, ეს სასიამოვნო ნამდვილად არაა, მაგრამ მეტოქესაც იგივე საფარზე მოუწევს თამაში, ამიტომ ამას დიდი მნიშვნელობა არ აქვს და უნდა ვაჯობოთ მოწინააღმდეგეს", - უთხრა კაკაბაძემ სფფ-ის პრესსამსახურს.

შეგახსენებთ, საქართველოსა და ანდორის ნაკრებთა მატჩი 15 ნოემბერს, თბილისის დროით 23:45 საათზე გაიმართება. ამ დროისთვის ქვეჯგუფს 12 ქულით „ჯვაროსნები“ ლიდერობენ და ნახევარფინალის საგზური განაღდებული აქვთ.

0.159967