ფეხბურთი

2:37 | 11.11.2018 | ნანახია [] - ჯერ

"ნაპოლის" ქამ-ბექი

იტალიის სერია A-ს მე-12 ტურში მორიგი გამარჯვება მოიპოვა „ნაპოლიმ“. კარლო ანჩელოტის გუნდს მეტად მძიმე ბრძოლა გადახდა თავს გენუაში, სადაც „ჯენოა“ დაუხვდა.

ნეაპოლელები პირველ ტაიმში პასიურობდნენ და შედეგად, წააგო კიდეც საწყისი 35 წუთი. კუამემ თავური დარტყმით გახსნა ანგარიში. მეორე ნახევარი ახალი განახლებული იყო და თამაში შეწყდა. გენუაში ძლიერად წვიმდა და მოედნის საფარი დაიტბორა. პაუზის შემდეგ წვიმამ გადაიღო და თამაშიც განახლდა. მიუხედავად ამისა, გაზონზე ბურთს მოძრაობა უჭირდა და ეს „ნაპოლის“ ხშირ შემთხვევაში აბრკოლებდა კიდეც. თუმცა, სტუმრებმა მაინც მოახერხეს სასურველი სამი ქულის მოპოვება. ჯერ ფაბიან რუისმა გაათანაბრა, ხოლო 86-ე წუთზე ბირასკიმ ავტოგოლი გაიტანა და 1:2. „ნაპოლიმ“ სამ ქულამდე შეამცირა „იუვენტუსთან“ ჩამორჩენა.

„ტორინომ“ „პარმას“ უმასპინძლა და მიუხედავად იმისა, რომ ფავორიტად ითვლებოდა, წააგო. სამი გოლი გავიდა და სამივე პირველ ტაიმში. ჟერვინიოსა და ინგლეზეს ბაზელიმ უპასუხა, მაგრამ ვალტერ მაძარის გუნდი მაინც უქულოდ დარჩა.

„სპალმა“ კი მიმდინარე სეზონში პირველი ფრე დააფიქსირა. ლეონარდო სემპლიჩის გუნდი კომფორტულად უგებდა შინ „კალიარის“, თუმცა სარდინიელთა სასახელოდ უნდა ვთქვათ, რომ ორბურთიანი ჩამორჩენა სამ წუთში აღმოფხვრეს და ქულა გადაარჩნიეს.

ტურის ცენტრალური შეხვედრა კი დღეს გაიმართება. „სან სიროზე“ „მილანი“ „იუვენტუსს“ დაუხვდება.

„ტორინო“ – „პარმა“ 1:2 (1:2)

გოლები: 0:1 ჟერვინიო (9), 0:2 ინგლეზე (25), 1:2 ბაზელი (37)

„სპალი“ – „კალიარი“ 2:2 (1:0)

გოლები: 1:0 პეტანია (3), 2:0 ანტენუჩი (71), 2:1 პავოლეტი (73), 2:2 იონიტა (76)

„ჯენოა“ – „ნაპოლი“ 1:2 (1:0)

გოლები: 1:0 კუამე (20), 1:1 ფაბიან რუისი (62), 1:2 ბირასკი (86, ა.გ)

თეგებისერია A
Loading...
სტატისტიკა
0.583122