ფეხბურთი

9:03 | 9.11.2018 | ნანახია 1095 - ჯერ

7-მა გუნდმა ევროპა ლიგის პლეი ოფის საგზური ნაადრევად გაინაღდა

ევროპა ლიგის ჯგუფური ეტაპის მე-4 ტურმა, 7 გუნდი გამოავლინა, რომლებმაც ნაადრევად მოიპოვეს პლეი ოფის საგზური.

არ გამოვიდა ბრძოლა A ჯგუფში, რომელშიც „ციურიხმა“ და „ლევერკუზენმა“ 9-9 ქულა დააგროვეს და მეტოქეთათვის მიუღწეველნი გახდნენ. ისინი უკვე 1/16 ფინალში არიან.

D ჯგუფში ყველაზე ძლიერი ზაგრების „დინამო“ აღმოჩნდა. ხორვატებმა ოთხივე მატჩი მოიგეს და ღირსეულად დგანან პირველ ადგილზე.

E ჯგუფში ლონდონის „არსენალმა“ ლისაბონის „სპორტინგთან“ (0:0) პირველი ქულები დაკარგა, თუმცა მომდევნო ეტაპის საგზური მაინც გაინაღდა.

L ჯგუფში „ჩელსის“ ბორისოვოში ბატე-სთან გაუჭირდა, მაგრამ ოლივიე ჟირუს 53-ე წუთზე გატანილი გოლით 0:1 გაიმარჯვა და მეთექვსმეტედფინალშია. თუმცა, მაურიციო სარის შეგირდებს გაუმართლათ, მასპინძლებმა სამჯერ გაარტყეს ბურთი ძელს. ზაგრებელების არ იყოს, „ჩელსიმაც“ ოთხივე მატჩი მოიგო ჯგუფში.

H ჯგუფიდან მეთექვსმეტედფინალისტები ფრანკფურტის „აინტრახტი“ (ასევე მაქსიმალური ქულებით) და რომის „ლაციო“ გახდნენ. ამათ ჯგუფში ტურნირის შარშანდელი ფინალისტი, ფრანგული „მარსელი“ ჩატოვეს.

Loading...

კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
23:27 | 09.11.2018
ani-federer 20 (5537)

ზაგრების თამაში ღადაობა იყო :დ

სტატისტიკა
0.188359