მიუნხენის „ბაიერნის“ პოლონელმა თავდამსხმელმა, რობერტ ლევანდოვსკიმ, ჩემპიონთა ლიგის ჯგუფური ეტაპის, ბერძნულ აეკ-თან, მე-4 ტურის მატჩის შემდეგ, ჟურნალისტებს უთხრა, რომ მისი გუნდი მომავალ შეხვედრებში უკეთ გაირჯება.

„ვიცით, რომ წინა ორი მატჩი არცთუ შთამბეჭდვად ვითამაშეთ, მაგრეამ აეკ-თან გამარჯვება ნამდვილად წინ გადადგმული ნაბიჯი იყო. თამაშს ვაკონტროლებდით, მეტი გოლიც უნდა გაგვეტანა. თუმცა, უკეთ თამაშიც შეგვიძლია და მომდევნო მატჩში ამას დავამტკიცებთ. ეს წარმატება კი ძალიან მნიშვნელოვანია, როგორც ჩემთვის, ასევე გუნდისთვისაც. თვითრწმენა მოგვემატა.“ - უთხრა ლევანდოვსკიმ კლუბის ოფიციალურ ვებ-გვერდს.

შეგახსენებთ, რომ აეკ-თან 2:0 მოგებულ მატჩში, ორივე გოლი პოლონელმა შემტევმა გაიტანა.