ფიფას პრეზიდენტმა, ჯანი ინფანტინომ, უპასუხა ბრალდებებს, იმის თაობაზე, თითქოს ის „პარი სენ-ჟერმენს“ და „მანჩესტერ სიტის“ დაეხმარა, რათა მათ ფეარ პლეის წესების გვერდის ავლით ემოქმედათ.

„მე ფიფას პრეზიდენტი და უეფას ყოფილი გენერალური მდივანი გახლავართ და ჩემი მიზანი ყოველთვის კლუბების დახმარება და არა განადგურება იყო. შევხვდი პსჟ-ს, „მანჩესტერ სიტისა“ და სხვა კლუბების წარმომადგენლებს. რათა სხვადასხვა რეგულაციებზე მოგველაპარაკა. თანაც, საბოლოო გადაწყვეტილებას სასამართლო კომისიები იღებენ და არა მე.

სიტუაციის შეცვლის შესაძლებლობაც არ მქონდა. თანაც „სიტი“ და პსჟ 20-20 მილიონი ევროთი დავაჯარიმეთ. და არა მარტო ისინი. 30 კლუბიდან ორს მივეცით დისკვალიფიკაცია. თუმცა, საარბიტრაჟო სასამართლომ „მილანს’ სასჯელი გაუუქმა.

როცა ადამიანები მიკერძოებაზე ლაპარაკობენ, არ არიან მართლები. პატარა კლუბები კი იმიტომ ისჯებიან, რომ ვალებს არ აბრუნებენ და ფეხბურთელებს ხელფასებს არ უხდიან. ეს გაცილებით სერიოზული პრობლემებია.“ - უთხრა ინფანტინომ La Gazzetta dello Sport-ს.