ავტოსპორტი

3:51 | 8.11.2018 | ნანახია 231 - ჯერ

ვიეტნამი ფორმულა 1-ის რბოლას 2020 წლიდან უმასპინძლებს

ფორმულა 1-ის 2020 წლის კალენდარში ვიეტნამის დიდი პრიზი შევა. ეს იქნება პირველი სრულიად ახალი რბოლა, რომელიც კალენდარს მას შემდეგ დაემატება, რაც ფორმულა 1-ის კომერციული უფლებები, ამერიკულ კომპანია „ლიბერტი მედიას“ ხელში გადავიდა (2017 წელს). ვიეტნამურ დიდი პრიზს ქვეყნის დედაქალაქ ჰანოის ქუჩის ტრეკი უმასპინძლებს.

„მას შემდეგ ამ სპორტის რაც საქმეში ჩავერთეთ, ჩვენი ერთ-ერთი მიზანი, ახალი ქალაქების დამტება იყო, რიტაც ფორმულა ერთის პოპულარობა გაიზრდება. ვიეტნამური დიდი პრიზი სწორედ ჩვენი ამბიციის რეალიზაციის მაგალითია. გვიხარია, რომ ჰანოიში ვართ, რომელიც მსოფლიოში ერთ-ერთი ყველაზე ლამაზი ქალაქია, თავისი მდიდარი ისტორიით და განსაკუთრებული მომავლით“, - განაცხადა ფორმულა 1-ის შეფმა ჩიზ კერიმ.

სამხრეთ აღმოსავლეთ აზიაში მდებარე ეს ქვეყანა სწრაფად მზარდი ეკონომიკით გამოირჩევა და შესაბამისად, ფ1-ის სპონსორების, მათ შორის, ლუდის მწარმოებელ „ჰაინეკენის“ ინტერესის სფეროში შედის. ამგვარად, აღნიშნულ რეგიონს კვლავ ოთხი რბოლა - იაპონიის, ჩინეთის, სინგაპურის და ვიეტნამის დიდი პრიზები ექნება. შეგახსენბთ, რომ გასული სეზნდან, მსოფლიო ჩემპიონატის ეტაპი აღარ ტარდება მალაიზიაში.

სხვათა შორის, ფ1-ის ყოფილ შეფ ბერნი ეკლსტოუნს ნათქვამი აქვს, რომ მას ვიეტნამის მთავრობასთან, ფ1-ის რბოლის ჩატარების თემაზე მოლაპარაკება ჰქონდა და მათ შესაბამისი თანხის გადახდაზე მზადყოფნაც გამოთქვეს. თუმცა ბერნიმ თავის შეკავება ამჯობინა, რადგან ჩათვალა, რომ რეგიონში ისედაც საკმარისი რბოლები ტარდება.

ვიეტნამის დიდი პრიზის წარდგენასთან დაკავშირებით, ჰანოიში საჩვენებელი გარბენიც მოეწყო, რომელშიც „რედ ბულის“ საჩვენებელი ბოლიდით, ბრიტანელი დევიდ კულტჰარდი გამოვიდა.

ვიეტნამური რბოლის ორგანიზატორია ქვეყნის უდიდესი სამრეწველო კონგლომერატი „ვინგრუპი“, რომლის ერთ-ერთი შტო - კომპანია „ვინფასტი“, მალე საკუთარი ავტომობილების წარმოებას დაიწყებს.

რაც შეეხება ჰანოის ტრასას, მისი სიგრძე 5.565 კილომეტრია და ის ქალაქის დასავლეთ ნაწილში განლაგდება.

Loading...

კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
12:23 | 08.11.2018
kelbo (7233)

ჰმ, დიაგრამით თუ ვიმსჯელებთ, უჩვეულოდ გრძელი სუპერ ჩქაროსნული მონაკვეთები აქვს ამ ტრასას

სარეკლამო ადგილი - 20
250 x 188
სარეკლამო ადგილი - 22
250 x 250
0.070728