კალათბურთი

1:34 | 8.11.2018 | ნანახია 981 - ჯერ

შერმადინის 23 ქულა და MVP-ს ტიტული

საკალათბურთო ევროთასის მე-6 ტურში გიორგი შერმადინის “უნიკახა” ლიტვურ “რიტასს” დაუხვდა და 95:76 სძლია, ქართველი ცენტრი კი მატჩის უძვირფასესი მოთამაშე (MVP) გახდა.

შერმადინი სასტარტო ხუთეულში გამოჩნდა და 21:03 წუთში 23 ქულა, 5 მოხსნა, 1 პასი, 1 ჩაჭრა და 1 დაფარება მიითვალა. გიორგიმ 10-დან 9 ორქულიანი და 5-ვე საჯარიმო ჩააგდო, ბურთი 2-ჯერ დაკარგა, ამდენივე პერსონალური ფოლი მიიღო, მის წინააღმდეგ კი 3-ჯერ დაჯარიმდნენ.
შედეგად, ქართველი სარგებლიანობის კოეფიციენტი 29-ს გაუტოლდა, რაც მატჩის საუკეთესო მაჩვენებელი იყო. გამოირჩა მალაგელთა სათადარიგო ცენტრი მატის ლესორტიც, რომელმაც 18 ქულა ჩააგდო, ვილნიუსელებს კი 15 ქულით დენის სილიმ ულიდერა.
ისიც ვთქვათ, რომ თამაშის ბედი მე-3 მეოთხედში გადაწყდა, რომელიც ესპანურმა გუნდმა 28:7 მოიგო.
“უნიკახამ” 5 მოგება და 1 მარცხი მოაგროვა და D ჯგუფს ყაზანის “უნიკსთან” ერთად ლიდერობს, მომდევნო შეხვედრას კი 14 ნოემბერს, სტუმრად, გერმანულ “ფრანკფურტთან” გამართავს.

Loading...

კომენტარები (3)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
13:40 | 08.11.2018
sabonis (8662)

მაკრები რტოდის თამაშობს? მოემბერში ხო აქ თამაში?

14:03 | 08.11.2018
sabonis (8662)

ნაკრები.D

13:34 | 08.11.2018
federer (17) (13763)

ძალიან კარგი კალათბურთელია გიორგი და ცოტა მეტი სპორტული თავხედობა რომ ქონდეს 20 ქულის ზღვარში იქნება ყველა თამაშში

12:53 | 08.11.2018
DoncicMavs (30)

ფორმაშია შერმინატორი

სარეკლამო ადგილი - 20
250 x 188
სარეკლამო ადგილი - 22
250 x 250
0.046154