„ლივერპულის“ მთავარმა მწვრთნელმა, იურგენ კლოპმა, ჩემპიონთა ლიგის ჯგუფური ეტაპის მე-4 ტურში, სერბულ „ცრვენა ზვეზდასთან“ დამარცხების შემდეგ (0:2), ჟურნალისტებს უთხრა, რომ სთქმელი არაფერი აქვს.

„მეტოქეს ბევრი შანსი მივეცით და მათ ის გამოიყენეს. მეორე ტაიმში ჩვენ უკეთ ვირჯებოდით, მაგარამ არაფერი გამოგვივიდა.

მეც ადამიანი ვარ. წაგებული მატჩის შემდეგ 10 წუთში ხანგრძლივი სიტყვა რომ წარმომეთქვა, ალბათ სულელურად გაიჟღერებდა. ამ წუთას სათქმელი არაფერი მაქვს. წავაგეთ და ვგრძნობთ მარცხის ტვირთს. რაიმეს შეცვლა ახლა გვიანაა.

ახლა ორი ურთულესი შეხვედრა დაგვრჩა, სტუმრად „პარი სენ-ჟერმენთან“ და შინ „ნაპოლისთან.“ ვნახოთ, ჯერ დაკარგული არაფერია.“ - განაცხადა გერმანელმა სპეციალისტმა.

მარცხის მიუხედავად, „ლივერპული“ C ჯგუფში, 6 ქულით ისევ ლიდერად რჩება, თუმცა ამდენივექულიან „ნაპოლის“ მხოლოდ ბურთების უკეთესი სხვაობის წყალობით უსწრებს. მესამე ადგილზე 5 ქულიანი „პარი სენ-ჟერმენია,“ მეოთხეზე - „ცვრვენა ზვეზდა“ 4 ქულით.