მადრიდის „რეალის“ მცველი დანი კარვახალი მიიჩნევს, რომ მის კარიერაში საუკეთესო მწვრთნელი ხულენ ლოპეტეგია.
მასთან ერთად კარვახალს ესპანეთის ნაკრებში და „რეალში“ უმუშავია, საიდანაც ცოტა ხნის წინ წარუმატებელი შედეგების გამო დაითხოვეს.
„ჩემთვის ლოპეტეგი საუკეთესო მწვრთნელია, რომელიც მყოლია. სამწუხაროა, რომ ჩვენთან საკმარისი იღბალი არ ჰქონდა მუშაობის გასაგრძელებლად. მისი საფეხბურთო ხედვა, არის გუნდური მენეჯმენტი, ფეხბურთელებთან ყოფნა, რასაც მეც ვიზიარებ. ამას ვამბობდი მანამდეც, სანამ „რეალში“ მოვიდოდა და მომავალშიც ვიტყვი. და კიდევ გავიმეორებ: მასზე უკეთესი მწვრთნელი არ მყოლია“, - აღნიშნა კარვახალმა.
