იყო დრო, როდესაც ჟერარ დეულოფეუზე დიდ იმედს ამყარებდნენ. ესპანელი „ბარსელონას“ აკადემიაში გაიზარდა პირველ გუნდში დებიუტი 2011 წელსაც ჰქონდა. შემდეგ იყო იჯარის წესით „ევერტონში“, „სევილიაში“, „მილანში“.

2017 წელს კი კატალონურ გრანდში დაბრუნდა. თუმცა, ისევ ვერ შეძლო „კამპ ნოუზე“ დამკვიდრება და ახლა „უოტფორდის“ ღირსებას იცავს.

დეულოფეუ ამბობს, რომ „ბარსელონაში“ აღარასდროს დაბრუნდება და მიაჩნია, რომ ნიჭიერი ფეხბურთელების ლიონელ მესისთან შედარება არ შეიძლება.

„როდესაც ახალგაზრდა ვიყავი, საშინელება იყო. ყოველ დღე მესის მადარებდნენ და ეს არაა ახალგაზრდა ფეხბურთელისთვის კარგი. არ მინდა წარსულში დაბრუნება, ორჯერ ვცადე „ბარსელონაში“ ფეხის მოკიდება, მაგრამ ვერ მოვახერხე. შესაბამისად, მესამედ დაბრუნება არ მინდა. არასდროს მომცემია რეალური შანსი და არ მქონია ნდობა, როდესაც გუნდში ვიყავი. იქ გავიზარდე, მაგრამ სახლში თავს ვერ ვგრძნობდი.

მომავალში სიმოავნებით ვითამაშებდი „რეალში“ ან „მანჩესტერ სიტიში“, რადგან ჩემი სათამაშო სტილი ამ გუნდებს შეესაბამება“, - განაცხადა დეულოფეუმ.