„მანჩესტერ იუნაიტედის“ მთავარი მწვრთნელი ჟოზე მოურინიო ოპტიმისტურადაა განწყობილი და ამბობს, რომ მისი გუნდი სულ მალე ბევრად კარგ პოზიციაში იქნება.

„როდესაც ოთხეულს მიღმა ხარ, რთულია ტიტულზე იფიქრო. როდესაც ოთხეულში შევალთ, და გვჯერა, რომ ამას მოვახერხებთ, მერე უკვე შესაძლებელი იქნება სხვა სიმაღლეებზე საუბარიც, დროზე კალენდარზე ფიქრი.

სექტემბერში ორი საგარეო მატჩი გვქონდა და ახლაც ასეა, რადგან „ბორნმუთთან“ და „სიტისთან“ სტუმრად უნდა ვითამაშოთ. ასევე „იუვენტუსთან“ შეხვედრა გველოდება და „ლივერპულამდე“ „ვალენსიას“ შევხვდებით. სწორედ ამ მონაკვეთში დავუპირისპირდებით ტიტულის კანდიდატებს - „ლივერპულს“, „სიტის“, „ჩელსის“. კალენდარი არაა სასურველი და საჩვენო. თუმცა, ვფიქრობ, დეკემბრის ბოლოს, როდესაც პრემიერლიგაში სეზონის პირველი ნაწილი დასრულდება, უკეთეს პოზიციაზე ვიქნებით“, - აღნიშნა მოურინიომ.

„მანჩესტერი“ პრემიერლიგის მე-11 ტურში სტუმრად „ბორნმუთს“ გაეჯიბრება.