ესპანური „სარაგოსას“ ქართველი ლეგიონერის გიორგი პაპუნაშვილის მოედანზე დაბრუნებს დრო უცნობია. Eldesmarque.com-ის ცნობით, ქართველმა ფეხბურთელმა ვარჯიში დაიწყო, მაგრამ სრული დატვირთვით საწვრთნელ პროცესში მონაწილეობის მიღებას ვერ ახერხებს.
გიორგი ჯანმრთელობის მდგომარეობის შესახებ პასუხი „სარაგოსას“ თავკაც ლუკას ალკარასსაც არ აქვს:
„მას ტკივილები ჯერ კიდევ აქვს. უნდა დავაკვირდეთ, არ ვარ დარწმუნებული, რომ მთელი თამაშის ჩატარება შეუძლია“, - ამბობს არაგონელთა მწვრთნელი.
წყარო წერს, რომ ფეხბურთელი „ოსასუნასთან“ მატჩში დაბრუნებას ვარაუდობდა, მაგრამ ასე არ მოხდა და ამ ეტაპზე გარკვეულიც არაფერია.
შეგახსენებთ, პაპუნაშვილმა ტერფის ტრავმა ზუსტად ერთი თვის წინ „ალბასეტესთან“ შეხვედრაში მიიღო. ორი კვირის წინ ვარჯიშიც განაახლა, მაგრამ ჯერჯერობით მოედანზე არ გამოჩენილა.
