ინდოეთის ქალაქ მუმბაიში მიმდინარე საერთაშორისო ტურნირზე (საპრიზო ფონდი 125 ათასი დოლარი) ქართული დუელი შედგა: ეკატერინე გორგოძე სოფო შაფათავას გაეჯიბრა და 6:2, 6:4 სძლია.

თუ ვინ იქნება მერვედფინალში გორგოძის მეტოქე მოგვიანებით გაირკვევა, როდესაც მე-6 ნომრად განთესილი რუსი მარგარიტა გასპარიანი ხორვატ ტერეზა მრდეზას გაეჯიბრება.
წყვილთა ტურნირში ოქსანა კალაშნიკოვასა და იაპონელ ნაო ჰიბინოს მე-2 განთესვა აქვთ და ხსენებულ პალკინასა და რუს იანა სიზიკოვას ეთამაშებიან, შაფათავა და ბრიტანელი ემილი ვებლი-სმითი ძალებს პირველი რეიტინგის მქონე სლოვენიურ-რუსულ დუეტთან (დალილა იაკუპოვიჩი-ირინა ხრომაჩევა) მოსინჯავენ, ხოლო გორგოძე და ებრაელი დენიზ ხაზანიუკი ტაივანელ შუ-ინ ჰსიესა და სერბ ნატალია კოსტიჩს დაუპირისპირდებიან.