მიმდინარე საფეხბურთო უიქ-ენდი გამორჩეულია, რადგან „ელ კლასიკო“ უნდა გაიმართოს. მადრიდის „რეალი“ ბოლო პერიოდში საკითარ თავს არ ჰგავს და სპეციალისტთა აზრით, შესაძლოა ხულენ ლოპეტეგი მარცხის შემთხვევაში დაითხოვონ.

თუმცა, ლოპეტეგი ამაზე არ ფიქრობს და შურისძიება სურს. ესპანელი 1994-1997 წლებში „ბარსელონას“ კარს იცავდა. უფრო სწორად სათადარიგო მეკარე იყო. ლოპეტეგი თვლის, რომ თავის დროზე „ბარსელონაში“ დაამცირეს.

ლოპეტეგის ჯერ იოჰან კრუიფი არ ენდობოდა, ხოლო შემდეგ, როდესაც გუნდში ბოი რობსონი მივიდა სიტუაცია შეიცვალა, უარესობისკენ. „ბლაუგრანამ“ ვიტორ ბაია იყიდა და ლოპეტეგიც მესამე მეკარე გახდა. საბოლოოდ, 1997 წელს კატალონელებმა „რაიო ვალეკანოში“ გაასხვისეს.

ლოპეტეგის სიტყვებს კი Marca ციტირებს:

„მინდა კრუიფთან საუბარი, რაღაც საკითხების გარკვევა. მე არ ვარ პატარა ბიჭი, დიდი გმაოცდილება მაქვს და არ შემიძლია ასე ყოფნა. ისინი სპორტულად მამცირებენ“, - ეს სიტყვები ლოპეტეგიმ ჯერ კიდევ 22 წლის წინ წარმოთქვა.

ახლა კი, შანსი მიეცა, რომ შური იძიოს. აქვე გეტყვით, რომ „ელ კლასიკო“ 28 ოქტომბერს, „კამპ ნოუზე“ შედგება.